Koersk (stad)

in Wikipedia, die vrye ensiklopedie
Jump to navigation Jump to search
Vir ’n artikel oor die oblast met dieselfde naam, sien Koersk-oblast.
Koersk

Курск
Stad
Die Koersk-katedraal
Die Koersk-katedraal
Vlag van Koersk
Vlag
Wapen van Koersk
Wapen
Die ligging van Koersk-oblast in Rusland
Die ligging van Koersk-oblast in Rusland
Koersk is in Koersk-oblast
Koersk
Koersk
Die ligging van Koersk in Koersk-oblast
Koördinate: 51°43′N 36°11′O / 51.717°N 36.183°O / 51.717; 36.183Koördinate: 51°43′N 36°11′O / 51.717°N 36.183°O / 51.717; 36.183
LandVlag van Rusland Rusland
DeelgebiedKoersk-oblast
Eerste vermelding1032
Regering
 • TipeStadsraad
 • BurgemeesterOlga Germanowa
Oppervlak
 • Totaal190 km2 (70 vk. myl)
Bevolking
 • Totaal428 741
TydsoneUTC+04:00
Webwerfhttp://www.kurskadmin.ru/

Koersk (Russies: Курск) is ’n stad in Rusland en die hoofstad van die federale deelgebied Koersk-oblast. Dit is by die samevloei van die Koer-, Toeskar- en Seim-rivier geleë. Die bevolking in 2013 was 428 741.

Die gebied om Koersk was tydens die Tweede Wêreldoorlog die toneel van ’n ommekeer in die stryd tussen Rusland en Duitsland met die Slag van Koersk, waartydens een van die grootste tenkgevegte in die geskiedenis daar plaasgevind het.

Geskiedenis[wysig | wysig bron]

Koersk is oorspronklik as ’n fort op ’n heuwel gebou wat oor die vlaktes uitgekyk het. Die nedersetting was aan drie kante deur steil kranse en die Koer-, Toeskar- en Seimrivier omring. In die noorde was digte woude.

Stalinistiese argitektuur weerskante van Rooiplein.
Koersk voor 1917.

Die eerste aangetekende rekord van Koersk kom uit 1032,[1] in Die Verhaal van Igor se Veldtog.[2] Dit was die setel van ’n klein prinsdom wat in die 12de en 13de eeu deur sy bure aangeval en omstreeks 1237 deur Batoe Khan van die Mongoolse Ryk verwoes is. Teen 1283 was die stad herbou. Dit is tussen 1360 en 1508 deur die Groothertogdom Litaue regeer. In 1508 het Koersk deel van Moskowië geword as die staat se suidelike grensprovinsie.

In 1596 is ’n nuwe fort gebou en tot laat in die 17de eeu is dit dikwels deur die Pools-Litause Gemenebes en die Krim-khanaat aangeval. Van 1611 tot 1618 is dit deur die Pools-Litause Gemenebes regeer. Dit was daarna agtervolgens deel van die Kiëfse Goewernaat (1708-1727), Belgorod-goewernaat (1727-1779) en die Koersk-onderkoningskap (1779-1797). In 1779 het dit dorpstatus gekry[3] en in 1797 het dit die hoofstad van die Koersk-goewernaat geword.

Die dorp het ontwikkel danksy sy voordelige ligging: Dit was geleë aan die kortste roete tussen die Krim en Moskou en die Krim en Kiëf. Nadat ’n brand Koersk in 1781 verwoes het, is ’n nuwe plan vir die dorp opgetrek waarin ’n mark die hart van die nedersetting sou uitmaak. Dit is op die sentrale plein, Rooiplein, opgerig. Kerke en skole is ook gebou.

Tydens die Tweede Wêreldoorlog is Koersk van November 1941 tot November 1943 deur die Duitsers beset. In Julie 1943 het die Slag van Koersk hier plaasgevind tussen die Duitsers en Russe. Daartydens het die dorp Prochorofka naby Koersk die middelpunt van ’n groot slag geword; dit word beskou as een van die grootste tenkveldslae in die geskiedenis. In Februarie 1944 is begin om die stad te herbou. Teen 1950 het die stad se ekonomie heeltemal herstel.

Koersk het tot in 2010 die status historiese nedersetting gehad, maar het dit intussen verloor. In 2012 het die stad sy 980ste bestaansjaar gevier.

Attraksies[wysig | wysig bron]

Die oudste gebou in Koersk is die boonste kerk van die Drie-eenheid-klooster. Dit is ’n goeie voorbeeld van die oorgangstyl wat tipies is van die vroeë bewind van Pieter die Grote. Die stad se katedraal is tussen 1752 en 1778 in die Barokstyl gebou.

Godsdienstige optog in Koersk-provinsie, deur Ilja Repin (1880–1883).
Sergijefsko-Kazanski-katedraal in Koersk, 1752-1778.

Die Kloosterkatedraal van die Teken is nog ’n indrukwekkende gebou en is tussen 1816 en 1826 opgerig in die neoklassieke styl. Die kerk is in die tyd van die Sowjetunie beskadig toe verskeie koepels en kloktorings afgebreek is, maar daar is planne om dit te herstel.

In die moderne stad is verskeie universiteite, monumente om die Slag van Koersk van 1943 te gedenk en ’n museum ter herinnering aan die meer as 6 000 Russiese tenkeenhede wat in die slag geveg het.[4]

Naby die stad is die Sentrale Swartgrondnatuurreservaat, ’n groot deel van die steppe wat nog nooit omgeploeg is nie. Dit word vir verskeie navorsingsprojekte gebruik.

Susterstede[wysig | wysig bron]

Koersk is ’n susterstad van die volgende stede:[5]

  • Vlag van Montenegro Bar, Montenegro
  • Vlag van Pole Dębno, Pole
  • Vlag van Oekraïne Donetsk, Oekraïne
  • Vlag van Oekraïne Feodosia, Oekraïne
  • Vlag van Wit-Rusland Gomel, Belarus
  • Vlag van Oekraïne Izmail, Oekraïne
  • Vlag van Serwië Niš, Serwië
  • Vlag van Oekraïne Novohrad-Volynskyi, Oekraïne
  • Vlag van Wit-Rusland Novopolotsk, Belarus
  • Vlag van Wit-Rusland Polotsk, Belarus
  • Vlag van Bulgarye Primorsko, Bulgarye
  • Vlag van Duitsland Speyer, Duitsland
  • Vlag van Georgië Soechoemi, Georgië
  • Vlag van Oekraïne Soemi, Oekraïne
  • Vlag van Pole Tczew, Pole
  • Vlag van Moldowa Tiraspol, Moldowa
  • Vlag van Serwië Užice, Serwië
  • Vlag van Duitsland Witten, Duitsland

Verwysings[wysig | wysig bron]

  1. "Kursk". sochi2014.com. Besoek op 4 April 2014.
  2. The Song of Igor's Campaign, Igor son of Svyatoslav and grandson of Oleg. Vertaal deur Vladimir Nabokov. 78–95
  3. The Encyclopædia Britannica: A Dictionary of Arts, Sciences, and General Literature, Volume 14. Maxwell Sommerville. 1894. p. 162.
  4. "Dr. Ed Norris, World Indigenous Missions, 2007". Geargiveer vanaf die oorspronklike op 2007-09-30. Besoek op 2007-07-29.
  5. "Партнерские связи". kurskadmin.ru (in Russies). Kursk. Geargiveer vanaf die oorspronklike op 3 Julie 2016. Besoek op 2020-02-04.

Eksterne skakels[wysig | wysig bron]