Soechoemi

in Wikipedia, die vrye ensiklopedie
Jump to navigation Jump to search

Soechoemi
სოხუმი
Аҟəа / Aqwais
Sokhumi Collage.jpg

Kaart Vlag
Abkhazia detail map2.png
Flag of None.svg
Wapen
Coat of Arms of Sukhum.jpg
 Land Vlag van Georgië Georgië
 Provinsie Vlag van Abchasië Abchasië
 Koördinate 43°00′N 41°01′O / 43.000°N 41.017°O / 43.000; 41.017
 Stigting 6de eeu v.C.
 Oppervlakte:  
 - Totaal 372 vk km
 Hoogte bo seevlak 5–140 m
 Bevolking:  
 - Totaal (2018) 65 439[1]
 - Bevolkingsdigtheid 175/vk km
 Tydsone UTC+04:00 (MSK)
 Burgemeester Beslan Esjba

Soechoemi (Abchasies: Аҟəа, Aqwais; Georgies: სოხუმი, Sochoemi, [sɔχumi], ; Russies: Сухум, Soechoem, [sʊˈxum(ʲɪ)]) is die hoofstad van Abchasië, 'n omstrede gebied in Georgië. Die stad het in 2018 'n bevolking van sowat 65 400 gehad.

Soechoemi is 'n stad in 'n wye baai aan die Swartsee se oostelike kus. Dit is beide die hoofstad en grootste stad van die Republiek Abchasië, wat dit sedert die Abchasië-oorlog in 1992–93 beheer. Abchasië word egter internasionaal as deel van Georgië beskou. Die stad, wat 'n lughawe het, is 'n hawe, groot spooraansluiting en 'n vakansieoord vanweë sy strande, sanatoriums, mineraalwater-spa's en semitropiese klimaat. Dit is ook 'n lid van die Internasionale Swartseeklub.[2]

Geskiedenis[wysig | wysig bron]

Soechoemi se vesting in die 1830's
Soechoemi in 1912. Vroeë kleurfoto deur Sergei Prokudin-Gorskii

Soechoemi se geskiedenis kan teruggevoer word na die 6de eeu v.C., toe dit deur Grieke gevestig is, wat dit Dioscurias genoem het. Gedurende hierdie tyd en die daaropvolgende Romeinse tydperk het 'n groot deel van die stad onder die Swartsee verdwyn. Die stad is Tskhumi genoem toe dit deel geword het van die Koninkryk Abchasië en toe die Koninkryk Georgië. Dit is deur plaaslike prinse betwis en het in die 1570's deel van die Ottomaanse Ryk geword, wat so gebly het totdat dit in 1810 deur die Russiese Ryk verower is.

Na 'n tydperk van konflik tydens die Russiese Burgeroorlog, het dit in 1918 deel geword van die onafhanklike Georgië, wat Abchasië ingesluit het.[3] In 1921 is die Demokratiese Republiek Georgië deur Sowjet-bolsjewistiese magte uit Rusland beset. Binne die Sowjetunie is dit as 'n vakansieoord beskou. Die huidige bevolking van 65 000 is slegs die helfte van die bevolking wat teen die einde van die Sowjet-heerskappy daar gewoon het.

Huidige toedrag[wysig | wysig bron]

Soechoemi Botaniese Tuin

Toe die Sowjetunie in die vroeë 1990's opgebreek het, het die stad aansienlike skade gely tydens die Abchasies-Georgiese konflik. Tydens dié oorlog het die stad en sy omgewing byna daagliks onder lugaanvalle en artilleriebestoking gely, met swaar burgerlike ongevalle. Op 27 September 1993 is die stryd om Soechoemi afgesluit deur ’n volskaalse veldtog van etniese suiwering teen sy meerderheid Georgiese bevolking, insluitend lede van die pro-Georgiese Abchasiese regering (Zhiuli Sjartawa, Raul Esjba en andere) en die burgemeester van Soechoemi, Goeram Gabiskiria.

Alhoewel die stad tans relatief vreedsaam en gedeeltelik herbou is, ly dit steeds onder die nagevolge van die oorlog, en het dit nie sy vroeëre etniese diversiteit herwin nie. ’n Relatief groot infrastruktuurheropbouprogram is in 2019–2020 van stapel gestuur wat fokus op die opknapping van die waterfront, die herbou van stadspaaie en die skoonmaak van stadsparke.

Die bevolking was 65 716 in 2017, vergeleke met ongeveer 120 000 in 1989. Gedurende die somervakansieseisoen verdubbel en verdriedubbel sy bevolking gewoonlik met ’n groot invloei van internasionale toeriste.[4]

Susterstede[wysig | wysig bron]

Verwysings[wysig | wysig bron]

  1. (ru) "Государственный комитет Республики Абхазия по статистике". ugsra.org.
  2. (en) "International Black Sea Club, members". Geargiveer vanaf die oorspronklike op 22 Julie 2011. Besoek op 30 Mei 2008.
  3. (en) "Abkhazia". Encyclopædia Britannica. Besoek op 7 September 2022.
  4. (ru) "население абхазии". www.ethno-kavkaz.narod.ru.