Leucadendron

in Wikipedia, die vrye ensiklopedie
Jump to navigation Jump to search

Leucadendron
Leucadendron argenteum close.jpg
Leucadendron argenteum
Wetenskaplike klassifikasie
Koninkryk:
(klade):
(klade):
Orde:
Familie:
Genus:
Spesies

Sien teks

Distribution.leucadendron.png
Natuurlike voorkoms van die genus

Leucadendron (tolbosse) is 'n struikgenus wat hoort tot die familie Proteaceae en is die tweede grootste genus van dié familie. Daar is ongeveer 84 spesies wat tot die genus hoort. Die genus is inheems aan Suid-Afrika en vorm deel van die fynbos plantegroei. Die meeste spesies kom in die Wes-Kaap voor. Die Silwerboom is die bekendste spesie in die genus. Die boom se blare het kenmerkende silwer kleur wat veroorsaak word deur digte, reguit, syagtige haartjies. Die naam Leucadendron is van die Silwerboom boom afgelei, dit beteken letterlik wit boom.

Beskrywing[wysig | wysig bron]

Spesies in die genus is klein boompies of struike wat regop groei maar ook kan rank.[1] Die meeste spesies is struike wat ongeveer 1 m hoog word, sommige word 2 tot 3 m hoog. Die blare het meestal 'n eliptiese vorm, sommige is naaldvormig in 'n spiraal georganiseer, is eenvoudig en gewoonlik groen. Sommiges word bedek met 'n wasagtige laag.

Spesies in die genus is tweehuisig, met ander woorde die manlike en vroulike blomme word aan afsonderlike plante gedra. Die vroulike blommetjies sit aan die buitekant van 'n tol, elkeen binne 'n skutblaar. Die manlike blommetjies vorm ʼn digte hofie, wat meestal soos ʼn pompon lyk.

Die blare net onder die blomkoppe vorm dikwels kranse om die blomkoppe en verkleur meestal in die blomtyd na geel, oranje of rooi. Die feit dat die blare rondom die blomkoppe gedurende die jaar verskillende kleure kan aanneem, en die variasie wat daar tussen verskillende eksemplare van dieselfde spesies kan bestaan, is faktore wat die klassifikasie van tolbosse bemoeilik en daar bestaan tans heelwat verwarring oor die taksonomie van hierdie groep plante.

Spesies[wysig | wysig bron]

Verwysings[wysig | wysig bron]

  1. Manning, John; Paterson-Jones, Colin (2008). Field Guide to Fynbos. Struik Publishers, Cape Town. p. 254. ISBN 978-1-77007-265-7.