Lood(II)jodied

Eienskappe

Algemeen
Naam	Lood(II)jodied
Struktuurformule van
Chemiese formule	PbI2
Molêre massa	461,01 g/mole
CAS-nommer	10101-63-0
Voorkoms	geel vastestof
Fasegedrag
Strukturbericht	C6
Smeltpunt	402 °C
Kookpunt	954 °C
Digtheid	6,16 g/mL @ 25 °C
Oplosbaarheid
Ksp	4.41×10−9 (20 °C)
Suur-basis eienskappe
pKa
Veiligheid
Flitspunt
LD50	500,1 [mg/kg]
LC50	1,5 [mg/L] 4h (stof)
Tensy anders vermeld is alle data vir standaardtemperatuur en -druk toestande.
Portaal Chemie

Lood(II)jodied is 'n sout van lood in sy +2 oksidasietoestand en waterstofjodied.

Dit is 'n geel vastestof en 'n diamagnetiese halfgeleier met 'n direkte bandgaping van 2,34 eV.

Kristalstruktuur

Lood(II)jodied het dieselfde algemene kristalstruktuur as kadmiumjodied CdI₂ (C6 in die strukturbericht-klassifikasie) en soos vir dié verbinding is daar heelparty politipes bekend. In 1975 was reeds oor 40 daarvan berig en in die jare 1980 was die struktuur van 17 van hulle bepaal. Beckman noem 2H, 4H, 6H, 6R, 8H, 10H. 12H, 14H, 18R, 20H, 30H en 36R. Die a en b as in die lae in ongeveer 455 pm. Die c-as is 'n veelvoud van 697,9 pm.

Chemiese eienskappe

Lood(II)jodied is moeilik oplosbaar in water. Die oplossing is kleurloos. Indien twee gekonsentreerde oplossings van lood(II)nitraat en kaliumjodied saamgevoeg word slaan dit neer as goudgeel kristalle:

$Pb^{2+}(aq)+2NO_{3}^{-}(aq)+2K^{+}(aq)+2I^{-}(aq)\rightarrow 2NO_{3}^{-}(aq)+2K^{+}(aq)+PbI_{2}(s)\downarrow$

Die neerslag se oplosbaarheid kan enigsins deur kook vergroot word. Dit los ook op in oormaat kaliumjodiedoplossing deur die vorming van 'n komplekse ioon:

$PbI_{2}(s)+I^{-}(aq)\leftrightarrows PbI_{3}^{-}(aq)$

Lood(II)jodied kan met metielammoniumjodied reageer. Dit word gewoonlik in andere oplosmiddels soos DMSO of N.N-demetielformamied gedoen en lewer CH₃NH₂PbI₃. Hierdie stof het 'n perovskiet-struktuur en is 'n veelbelowende perovskietsonsel-materiaal. Dit het 'n hoë beweeglikheid vir gate (3,9x10^-3 [cm²/(Vs)]) en 'n lae rekombinasiespoed.