Lood(II)nitraat

Eienskappe

Algemeen
Naam	Lood(II)nitraat
Struktuurformule van
Chemiese formule	Pb{NO3)2
Molêre massa	331.21 g/mole
CAS-nommer	10099-74-8
Voorkoms	wit vastestof
Reuk	reukloos
Fasegedrag
Selkonstantes	a= 785,9 pm
Ruimtegroep	P2₁/a3
Nommer	205
Strukturbericht	G2₁
Smeltpunt	470 °C (ontbind)
Kookpunt	ontbind
Digtheid	4.49 g/cm3 @ 20 °C
Oplosbaarheid	500 [g/L] (water)
Ksp	4.41×10−9 (20 °C)
Suur-basis eienskappe
pKa
Veiligheid
Flitspunt	onbrandbaar
LC50	1,5 [mg/L] 96h Oncorhynchus
Tensy anders vermeld is alle data vir standaardtemperatuur en -druk toestande.
Portaal Chemie

Lood(II)nitraat Pb(NO₃)₂ is 'n sout van lood en salpetersuur HNO₃

Kristalstruktuur

Loodnitraat kristalliseer in kubiese kristalle. Die struktuur is die argetipe van die G2₁-struktuur van die strukturbericht-klassifikasie. Die nitrate van barium en stronsium is isotipies. Dit is 'n afgeleide struktuur van die fluoriet-struktuur (CaF₂) (C1) met nitraatione op die plek van die fluoried-ione.

Die loodatome vorm 'n vlakgesentreerde kubiese rooster met die nitraatione daartussen, loodreg op die drievoudige asse van die kubiese ruimtegroep Pa3. Lood is in 'n kuboktaëdriese (twaalfvoudige) omringing. Die helfte van die Pb-O-afstande is 274,82(0,02) pm, die res 286,88(0,06) pm. Die nitraatione vorm amper plat driehoeke met 'n N-O afstand van 124,69(0,06) pm en 'n O-N-O hoek van 119,99(0,07) grade. Dis binne die foutemarge van die verwagte 120 grade en die stikstofatoom wyk net 0,10(0,01) pm af van die vlak van die suurstofatome.

Chemiese eienskappe

Loodnitraat kan verkry word deur lood in verdunde salpetersuur op te los:

$Pb(s)+4H^{+}(aq)+2NO_{3}^{-}(aq)\rightarrow Pb^{2+}(aq)+2NO_{2}(g)\uparrow +2H_{2}O$

Die sout kan ook verkry word deur die oksied PbO in verdunde salpetersuur op te los:

$PbO+2HNO_{3}(aq)\rightarrow Pb^{2+}(aq)+H_{2}O+2NO_{3}^{-}(aq)$

Loodnitraat kan met oormaat PbO addukhidrate nPbO.Pb(NO₃)₂.xH₂O met (n=1,x=1), (n=3,x=1) en (n=3,x=3) vorm.

Die sout is taamlik goed in water oplosbaar. Die droë kristallyne stof ontbind by verhitting:

$2Pb(NO_{3})_{2}\xrightarrow {>470C} 2PbO(s)+O_{2}(g)\uparrow +4NO_{2}(g)\uparrow$

Die rooi ontbindingsproduk PbO is bevestig in 'n studie van die uitsettingskoëffisiënt van die selkonstant a. Die toename is nie heeltemal lineêr nie en kan van 20 tot 348 °C weergegee word as:

$a(t)=7,8590+1,8962.10^{-4}.(t-20)+24,3026.10^{-8}.(t-20)^{2}$ (a in Å (=100 pm); die temperatuur t in °C)

Beeldgalery

• 
  Kritalle van loodnitraat