Maankarretjie

in Wikipedia, die vrye ensiklopedie
Spring na: navigasie, soek
Bemande maankarretjie (NASA)
Sowjet-maanverkenningsrobotvoertuig uit Lunokhodreeks

Die maankarretjie (Lunar Rover) was 'n bemande landvoertuig vir gebruik op die maan. Die Apollomaanmodule, wat deel van die Apolloruimtetuig is, is gebruik om die maankarretjie na die maan te vervoer.

Dit was gebruik om groter beweeglikheid vir ruimtevaarders gedurende die Apollo program se J-klasmissies: (Apollo 15, Apollo 16 en Apollo 17) te bewerkstellig. Dié voertuig was die eerste keer gebruik op 31 Julie 1971 tydens die Apollo-15-sending. Dit het grootliks bygedra tot die uitbreiding van die gebied toeganklik vir die ruimtevaarders. Vorige spanne ruimtevaarders op die maan was beperk tot kort loopafstande van die landingsterrein as gevolg van die ruimtepakke en toerusting nodig om te kan oorleef in die maan omgewing. Die maankarretjie het 'n topsnelheid van 12,9 km/h. Die voertuie is op die maan agtergelaat en is dus deel van die mensgemaakte voorwerpe op die maan.

Die Sowjetunie het ook onbemande maankarretjies op die maan geland naamlik die Lunokhod 1 en Lunokhod 2.

Eksterne skakels[wysig]