Malgas

in Wikipedia, die vrye ensiklopedie
Jump to navigation Jump to search
Die artikel handel oor die Wes-Kaapse dorp, vir die voël, sien witmalgas. Vir 'n artikel oor die eiland kyk by Malgas (eiland)
Malgas
Malagas
Ligging van Malgas op 'n kaart (Wes-Kaap)
Malgas
Malgas
Ligging van Malgas op 'n kaart (Suid-Afrika)
Malgas
Malgas
Koördinate: 34°18′0″S 20°35′0″O / 34.30000°S 20.58333°O / -34.30000; 20.58333Koördinate: 34°18′0″S 20°35′0″O / 34.30000°S 20.58333°O / -34.30000; 20.58333
Land Vlag van Suid-Afrika Suid-Afrika
Provinsie Wes-Kaap
Distriksmunisipaliteit Overberg
Plaaslike Munisipaliteit Swellendam
Tydsone SAST (UTC+2)
Malgas se pont, die laaste van sy soort in Suid-Afrika

Malgas is ‘n gehug met ‘n aantal vakansiehuise aan die Breederivier. Dit lê aan grondpaaie tussen Swellendam en Witsand.

Aanvanklike eienaars[wysig | wysig bron]

Reeds in 1791 is aan Adriaan Odendaal hier weiregte toegeken. In die middel van die 19de eeu is P.G. van der Byl en H.J. de Nysschen die eienaars van die plaas Mallegaskraal aan die Breederivier, 40 km stroomop van die monding. ‘n Sestien km. stuk kronkelende rivieroewer was besonder mooi. Landmeter W.M. Hopley van Swellendam is deur die eienaars opdrag gegee om hierdie stuk aan die suidwestelike oewer in 421 erwe te verdeel met elkeen ‘n maksimum van 25m aan die rivier. Van die verwagte ontwikkeling het blykbaar niks gekom nie.

Barry en Neefs[wysig | wysig bron]

Toe die Swellendamse firma Barry en Neefs die rivierhawe hier stig, het die ontwikkeling ook uitgebly. Omdat die rivier tot ten minste hier goed bevaarbaar is, is goedere hier van die skip op ossewaens oorgelaai om na die binneland vervoer te word. Die firma het ‘n aantal van die erwe gekoop en van die plaasgeboue omskep en nuwe geboue opgerig vir gebruik as magasyne, doeanekantoor, hotel, personeelwonings, poskantoor, skool en selfs gevangenis. Enkele erwe is aan individue verkoop. Die NG-kerkgebou is op 7 Desember 1861 in gebruik geneem. In 1977 is die gebou met sy klokkestoel tot nasionale monument verklaar.

Teenswoordig[wysig | wysig bron]

Vandag is Malgas ‘n rustige vakansieoord vir hengelaars, watersportentoesiaste en natuurliefhebbers. Die gehuggie beskik oor ‘n kerkie, ‘n hotel en ‘n winkel. Die handaangedrewe pont oor die rivier is uniek in die land. ‘n Besonder hoë reënval in die wye opvanggebied van die Breederivier lei tot periodieke oorstromings (soos op 13 November 2008) van die geboue op die rivieroewer.

Sien ook[wysig | wysig bron]