Montoe

in Wikipedia, die vrye ensiklopedie
Montoe
Montoe, die Egiptiese god van oorlog. Hy is gewoonlik uitgebeeld met die kop van ’n valk, twee pluime en die son.
Montoe, die Egiptiese god van oorlog. Hy is gewoonlik uitgebeeld met die kop van ’n valk, twee pluime en die son.
Soort god  Egipties
God van Oorlogvoering, die son en dapperheid
Naam in hiërogliewe
m
n
T
w
Kultussentrum  Thebe
Simbool Son, mes
Metgesel Raet-Tawy, Tenenet, Ioenit
Portaal  Portaalicoon   Antieke Egipte
’n Brons-gelukbringer.

Montoe was in die Egiptiese mitologie ’n god van oorlog wat dikwels uitgebeeld is as ’n man met die kop van ’n valk. Hy was ’n antieke god, oorspronklik ’n manifestasie van die skroeiende uitwerking van die son, Ra, en is ook dikwels Montoe-Ra genoem. Sy vernietigende aard het hom later die eienskappe van ’n vegter en eindelik van ’n oorlogsgod besorg.

Vanweë die verbintenis van bulle met krag en oorlog, het Montoe dikwels verskyn as ’n wit bul met ’n swart gesig, waarna as die bacha verwys is. Egipte se grootste generaal-konings het hulself dikwels genoem "sterk bulle, die seuns van Montoe".

In die kuns van Antieke Egipte is hy uitgebeeld as ’n man met die kop van ’n valk of ’n bul met die son en twee pluime op sy kop; die valk het die lug verteenwoordig en die bul krag en oorlog. Hy sou ook ’n verskeidenheid wapens, soos ’n mes of ’n pyl en boog, vashou.

Montoe het verskeie vroue gehad, onder andere Tenenet, Ioenit en ’n vroulike vorm van Ra, Raettawy.[1]

Verwysings[wysig | wysig bron]

  1. Wilkinson, Richard H. (2003). The Complete Gods and Goddesses of Ancient Egypt. Thames & Hudson. pp. 150, 203

Eksterne skakels[wysig | wysig bron]