Boek van Grotte

in Wikipedia, die vrye ensiklopedie
Jump to navigation Jump to search
Die vyfde divisie: ’n toneel uit die grafkelder van Ramses V/VI (KV9, kamer E, regtermuur).

Die Boek van Grotte is ’n belangrike Antieke Egiptiese boek oor die onderwêreld wat uit die Nuwe Ryk dateer.[1] Soos ander soortgelyke boeke word dit ook aangetref in die grafkelders van farao's sodat hulle voordeel daaruit kan trek. Dit beskryf die reis van die songod, Ra, deur die ses grotte van die Doeat (onderwêreld) en fokus op die interaksie tussen die songod en die bewoners van die Doeat, insluitende belonings vir die regverdiges en straf vir die vyande van die wêreldorde. Dit is een van die beste bronne oor die Egiptiese idee van die hel.[2]

Die Boek van Grotte het in die 13de eeu v.C. ontstaan.[3] Die oudste bekende weergawe is op die linkermuur van die Osireion in Abydos.[1] Later verskyn dit in die grafkelder van Ramses IV in die Vallei van die Konings.

Inhoud[wysig | wysig bron]

Die Boek van Grotte beskryf eerstens die reis van Ra van wes na oos deur die Doeat, die goddelike wesens wat hy ontmoet en sy interaksie met hulle. Belangrike landmerke op sy reis is:

  • Die grotte van die "regeverdige" afgestorwenes, wat nou goddelike wesens is (1ste en 2de tablo);
  • Die grot met Osiris se liggaam en die songod se eie twee goddelike liggame (3de tablo);
  • Die uittog uit die onderwêreld vir die sonsopkoms (laaste tablo).

Ra reis onder meer oor die grotte van die hel, waarin die vyande van die wêreldorde (die vyande van Ra en Osiris) vernietig word. Die boek gee ook ’n aanduiding van die topografiese struktuur van die Doeat.[4]

Struktuur[wysig | wysig bron]

Die boek het geen antieke titel nie en is nie verdeel in die ure van die nag soos ander boeke oor die onderwêreld nie.[5] Dit bevat sewe groot tablo's met altesaam sowat 80 verskillende tonele. Dit is verdeel in twee dele met drie tablo's elk, plus ’n laaste tablo.[6]

Uiteensetting van die Boek van Grotte.

Die Boek van Grotte is baie meer letterkundig as die ander onderwêreldboeke van die Nuwe Ryk, soos die Amdoeat en Boek van Poorte. Dit het nie soveel prente nie, maar bevat baie meer teks.[7]

Verwysings[wysig | wysig bron]

  1. 1,0 1,1 Hornung (1999) p.83
  2. Ellison, The Book of Caverns
  3. Werning (2011), vol. I, ch. V.
  4. The theology of the Book of Caverns and the imagined topography of the underworld are currently researched by Daniel Werning in a projects at the Excellence Cluster Topoi. The Formation and Transformation of Space and Knowledge in Ancient Civilizations, Berlin (Germany).
  5. Hornung (1999), p.84
  6. Werning (2011), vol. I, pp. 5-8.
  7. Taylor Ray Ellison, The Book of Gates

Bronne[wysig | wysig bron]

  • Hornung, Erik (1999). The Ancient Egyptian Books of the Afterlife (in Engels vertaal uit die Duits). David Lorton (vertaler). Cornell University Press. pp. 83–94. 
  • Werning, Daniel A. (2011). Das Höhlenbuch: Textkritische Edition und Textgrammatik, I: Überlieferungsgeschichte und Textgrammatik, II: Textkritische Edition und Übersetzung [The Book of Caverns: Text critical edition and text grammar, I: Textual history and text grammar, II: Text critical edition and translation]. Göttinger Orientforschungen 48 (in German). 2 vols. Wiesbaden: Harrassowitz Verlag. ISBN 978-3-447-06635-8. 
  • Hornung, Erik (2005). The Ancient Egyptians Books of the Underworld: the Amduat, The Book of Gates, The Book of Caverns, the Litany of Ra (in Engels vertaal uit die Duits). Irmela Stevens (vertaler). Intef Institute. 

Eksterne skakels[wysig | wysig bron]

Egiptiese mitologie
Aker.svg
 Gode   AmoenAnoebisAnoeketApepApisAtenAtoemBastetBesChepriChnoemChonsoeGebHapiHathorHeqetHorusIsisMaahesMafdetMeschenetMinMoetMontoeNechbetNefertemNeithNephthysNoeNoetOsirisPtahRaRaet-TawySatetSechmetSekerSerketSesjatSetSjoeSobekTaweretTefnoetThothVier seuns van HorusWadjetWepwawet
 Geskrifte   AmdoeatBoeke van AsemhalingBoek van die AardeBoek van die DooiesBoek van GrotteBoek van PoorteEnigmatiese Boek van die Onderwêreld
 Ander   DoeatEgiptiese mitologieEgiptiese sielEnneadMaätMondopeningseremonieNege boëOerheuwelOog van HorusOog van Ra