Apep

in Wikipedia, die vrye ensiklopedie
Jump to navigation Jump to search
Apep
Atoem en die slang Apep.
Atoem en die slang Apep.
Soort god  Egipties
God van Donkerte en chaos
Naam in hiërogliewe
O29
p p
Ouers Neith
Sibbes Ra
Portaal  Portaalicoon   Antieke Egipte

Apep (Grieks: Apophis) was in die Egiptiese mitologie ’n bose god wat as ’n slang of draak uitgebeeld is; hy was die god van donkerte en chaos, dus die teenoorgestelde van Maät (orde en waarheid).

Gevegte met Ra[wysig | wysig bron]

Set steek Apep met ’n spies.

Mites oor Apep se gevegte met Ra is tydens die Nuwe Ryk uitgebrei.[1] Omdat almal kon sien die son (Ra) word nie in die lug deur ’n reuse-slang aangeval nie, is geglo het hy net onder die horison gelê. Dit het hom deel van die Doeat (onderwêreld) gemaak. In sommige mites was hy daar vasgevang omdat hy die vorige hoofgod was wat deur Ra omvergewerp is, of omdat hy boos was en daar gevange gehou is.

In sommige mites wag Apep vir Ra in die westelike berg bekend as Bachoe, waar die son ondergaan, en soms wag hy vir Ra waar die son opkom. Die groot verskeidenheid plekke waar Apep kon lê en wag, het hom die naam "Wêreldomsirkelaar" besorg. Daar is geglo sy verskriklike brul het die onderwêreld laat dreun.

In hul gevegte is Ra deur ander gode bygestaan wat saam met hom gereis het; die sterkste van hulle was Set, wat Apep met ’n spies gesteek het.

Soms het Apep die oorhand gekry, en dan was daar aardbewings en donderstorms. Daar is selfs geglo Apep het Ra soms ingesluk, en dit het sonsverduisterings veroorsaak. Omdat Ra se verdedigers hom gou verslaan het, sou die verduistering binne minute eindig. Wanneer Apep doodgemaak is, was hy die volgende nag terug op sy pos, want hy het klaar in die wêreld van die dooies geleef.

Verwysings[wysig | wysig bron]

  1. J. Assmann, Egyptian Solar Religion in the New Kingdom, vert. A. Alcock (Londen, 1995), 49-57.

Eksterne skakels[wysig | wysig bron]

Egiptiese mitologie
Aker.svg
 Gode   AmoenAnoebisAnoeketApepApisAtenAtoemBastetBesChepriChnoemChonsoeGebHapiHathorHeqetHorusIsisMaahesMafdetMeschenetMinMoetMontoeNechbetNefertemNeithNephthysNoeNoetOsirisPtahRaRaet-TawySatetSechmetSekerSerketSesjatSetSjoeSobekTaweretTefnoetThothVier seuns van HorusWadjetWepwawet
 Geskrifte   AmdoeatBoeke van AsemhalingBoek van die AardeBoek van die DooiesBoek van GrotteBoek van PoorteEnigmatiese Boek van die Onderwêreld
 Ander   DoeatEgiptiese mitologieEgiptiese sielEnneadMaätMondopeningseremonieNege boëOerheuwelOog van HorusOog van Ra