Mu Arae

in Wikipedia, die vrye ensiklopedie
Jump to navigation Jump to search
Mu Arae
Mu Arae NS1744m5150-dss-1987.jpg
Sterrebeeld Altaar
Spektraaltipe G3IV–V
Waarnemingsdata (Epog J2000)
Regte klimming 17h 44m 08,70114s
Deklinasie −51° 50′ 02.5853″
Skynmagnitude (m) 5,12
B-V-kleurindeks  0,70[1]
U-B-kleurindeks  0,24[1]
Besonderhede
Massa (M) 1,1
Radius (R) 1,36
Ligsterkte (L) 1,9
Ouderdom (jaar) 6,34
Temperatuur (K) 5 820
Afstand (ligjaar) 50,6
Eienskappe
Planete 4
Ander name
CD-51°11094, FK5 662, GC 24024, GJ 691, HD 160691, HIP 86796, HR 6585, SAO 244981
Portaal  Portaalicoon   Sterrekunde

Mu Arae (ook genoem μ Ara, μ Arae of HD 160691) is ’n hoofreeksster van spektraaltipe GV sowat 50 ligjare van die Aarde af in die sterrebeeld Altaar. Die ster het ’n stelsel van vier planete, waarvan drie ’n massa het naby aan dié van Jupiter.

Eienskappe[wysig | wysig bron]

Die ster het ’n massa van sowat 10% meer as die Son. Dit is aansienlik ouer: sowat 6,34 miljard jaar. Sy radius is 36% groter as die Son s’n en hy is 90% helderder. Die ster is metaalryk en die verhouding tussen yster en waterstof is sowat twee keer so groot as in die Son. Mu Arae het ook meer helium.[2]

Die ster, wat nes die Son ’n G-tipe ster is, betree dalk sy fase as reusester en is besig om uit waterstof in sy kern te raak. Dit word weerspieël in die onsekerheid oor sy helderheidsklas, tussen IV (die subreusesterre) en V (hoofreekssterre soos die Son).

Planeetstelsel[wysig | wysig bron]

Ontdekking[wysig | wysig bron]

Mu Arae met die afstand van sy vier sterre aangedui.

Die eerste planeet se ontdekking is in 2001 aangekondig deur die Anglo-Australiese Planeetsoekspan. Daar is geglo Mu Arae b is in ’n hoogs eksentrieke wentelbaan van sowat 743 dae.[3] In 2004 is ’n tweede planeet, nou bekend as Mu Arae e, ontdek. Daar is toe geglo dit is in ’n wentelbaan van 8,2 jaar met ’n hoë eksentrisiteit.[4] Later in 2004 is die ontdekking van ’n klein binneste planeet, Mu Arae c, met ’n massa van omtrent dié van Uranus en ’n wentelbaan van nege dae, aangekondig.[5]

In 2006 het twee spanne, onder leiding van Krzysztof Goździewski en Francesco Pepe onderskeidelik, aangekondig dat die ster ’n vierde planeet, Mu Arae d, het met ’n wentelbaan van sowat 311 dae.[6][7] Dit het gelei tot hersiene parameters vir die ander planete, met laer eksentrisiteit. Met die ontdekking van die laaste planeet was Mu Arae die eerste bekende ster met vier planete naas 55 Cancri.

Die Mu Arae-stelsel[7]
Planeet
(vanaf ster)
Massa Semi-hoofas
(AE)
Wentelperiode
(dae)
Eksentrisiteit Radius
c >0,03321 MJ 0,09094 9,6386 ± 0,0015 0,172 ± 0,04
d >0,5219 MJ 0,921 310,55 ± 0,83 0,0666 ± 0,0122
b >1,676 MJ 1,497 643,25 ± 0,90 0,128 ± 0,017
e >1,814 MJ 5,235 4205,8 ± 758,9 0,0985 ± 0,0627

Verwysings[wysig | wysig bron]

  1. 1,0 1,1 (1966) “Photoelectric observations of Southern late-type stars”. The Information Bulletin for the Southern Hemisphere 8.
  2. Soriano, M.; Vauclair, S. (2009). "New seismic analysis of the exoplanet-host star Mu Arae". arΧiv: 0903.5475 [astro-ph]. 
  3. Butler et al. (2001). “Two New Planets from the Anglo-Australian Planet Search”. Astrophysical Journal 555 (1): 410–417. doi:10.1086/321467.
  4. (2004) “Multiple Companions to HD 154857 and HD 160691”. The Astrophysical Journal 617 (1): 575–579. doi:10.1086/425214.
  5. Santos et al. (2004). “The HARPS survey for southern extra-solar planets II. A 14 Earth-masses exoplanet around μ Arae”. Astronomy and Astrophysics 426 (1): L19 – L23. doi:10.1051/0004-6361:200400076.
  6. Gozdziewski, K. et al. (2006). "On the extrasolar multi-planet system around HD160691". arΧiv: astro-ph/0608279. 
  7. 7,0 7,1 Pepe, F. et al. (2006). "The HARPS search for southern extra-solar planets. IX. μ Ara, a system with four planets". arΧiv: astro-ph/0608396. 

Eksterne skakels[wysig | wysig bron]

Koördinate: Sky map 17h 44m 08.7s, −51° 50′ 03″

Sterre met vier of meer planete
Agt: SonSewe: HD 10180Kepler-90Ses: HD 40307Kepler-11Vyf: 55 CancriGliese 667 CKepler-186Kepler-20Kepler-62Kepler-32Kepler-33 • Kepler-55 • Kepler-84 • Kepler-102 • Kepler-122 • Kepler-169 • Kepler-238 • Kepler-292 • Kepler-296 • Vier: Gliese 876Upsilon AndromedaeMu AraeGliese 676 A • HD 141399 • HR 8799Kepler-37 • Kepler-24 • Kepler-89 • Kepler-26 • Kepler-48 • Kepler-49 • Kepler-80 • Kepler-79 • Kepler-82 • Kepler-85 • Kepler-106 • Kepler-282