Kepler-20
| Kepler-20 | ||||
| ||||
| Kepler-20e en 20f in vergelyking met die Aarde en Venus. | ||||
| Sterrebeeld | Lier | |||
| Spektraaltipe | G8 | |||
| Soort | Hoofreeksster | |||
| Waarnemingsdata (Epog J2000) | ||||
| Regte klimming | 19h 10m 47,524s | |||
| Deklinasie | +42° 20′ 19,30″ | |||
| Skynmagnitude (m) | 12,51 | |||
| Besonderhede | ||||
| Massa (M☉) | 0,912 | |||
| Radius (R☉) | 0,944 | |||
| Ouderdom (jaar) | 8,8 miljard | |||
| Temperatuur (K) | 5 466 | |||
| Afstand (ligjaar) | 950 | |||
| Eienskappe | ||||
| Planete | 5 | |||
| Ander name | ||||
| KOI-070, KIC-6850504, 2MASSJ19104752+4220194 | ||||
| ||||
Kepler-20 is ’n ster sowat 950 ligjare van die Aarde af[1] in die sterrebeeld Lier. Dit het ’n stelsel van vyf bevestigde planete.[2] Die skynbare helderheid van die ster is 12,51 en dit kan dus nie met die blote oog gesien word nie. Dit is effens kleiner as die Son, met ’n radius van 94% en ’n massa van 91% dié van die Son. Die effektiewe temperatuur van sy fotosfeer is teen 5 466 kelvin effens koeler as dié van die Son. Dit is egter ook ’n geel dwerg van spektraaltipe G8.[3]
In 2011 was dit nog nie bekend of dit ’n hoofreeksster is nie. Sy metaalinhoud is waarskynlik dieselfde as die Son s’n. Dit kan ouer as die Son wees, maar die foutgrens is taamlik groot.[4]
Planeetstelsel[wysig | wysig bron]
Die span van die Kepler-ruimteteleskoop het op 20 Desember 2011 aangekondig dat ’n vyfplaneetstelsel ontdek is met drie klein gasreuse en die eerste twee aardgrootte-planete, Kepler-20e (die eerste bekende planeet kleiner as die Aarde wat om ’n hoofreeksster wentel)[5] en Kepler-20f, wat om ’n Son-tipe ster wentel.[6] Hoewel hulle omtrent so groot soos die Aarde is, is hulle baie nader aan hul ster as die Aarde en hulle val dus nie in die bewoonbare sone nie;[1] hul verwagte oppervlaktemperatuur is 760 °C en 427 °C onderskeidelik. Die ander drie Neptunus-tipe planete, Kepler-20b, c en d, is net so na aan die ster.[7][8]
Planete e en f se massa is onseker omdat dit te klein is om met huidige tegnologie deur middel van radiale snelheid vas te stel.[9]
| Planeet of skyf (vanaf ster) |
Massa | Halwe lengteas (AE) |
Wentelperiode (dae) |
Eksentrisiteit | Baanhelling (°) |
Radius |
|---|---|---|---|---|---|---|
| b | 8,7 M⊕ | 0,04537 | 3,6961219 | <0,32 | — | 1,91 R⊕ |
| e | 0,39–1,67 M⊕ | 0,0507 | 6,098493 | <0,28 | — | 0,868 R⊕ |
| c | 16,1 M⊕ | 0,0930 | 10,854092 | <0,40 | — | 3,07 R⊕ |
| f | 0,66–3,04 M⊕ | 0,1104 | 19,57706 | <0,32 | — | 1,034 R⊕ |
| d | <20,1 M⊕ | 0,3453 | 77,61184 | <0,60 | — | 2,75 R⊕ |
Verwysings[wysig | wysig bron]
- ↑ 1,0 1,1 Hand, Eric (20 Desember 2011). "Kepler discovers first Earth-sized exoplanets". Nature. doi:10.1038/nature.2011.9688.
- ↑ Johnson, Michele (20 Desember 2011). "NASA Discovers First Earth-size Planets Beyond Our Solar System" (in Engels). Nasa. Geargiveer vanaf die oorspronklike op 16 Mei 2020. Besoek op 20 Desember 2011.
- ↑ "The Colour of Stars", Australia Telescope, Outreach and Education (Commonwealth Scientific and Industrial Research Organisation), December 21, 2004, http://outreach.atnf.csiro.au/education/senior/astrophysics/photometry_colour.html, besoek op 2012-01-16
- ↑ Schneider, Jean, "Star : Kepler-20", The Extrasolar Planets Encyclopaedia (CNRS/LUTH – Paris Observatory), http://exoplanet.eu/star.php?st=Kepler-20, besoek op 2011-12-21
- ↑ Nasa (20 Desember 2011). "Kepler: A Search For Habitable Planets – Kepler-20e" (in Engels). Nasa. Geargiveer vanaf die oorspronklike op 31 Maart 2017. Besoek op 23 Desember 2011.
- ↑ Nasa (20 Desember 2011). "Kepler: A Search for Habitable Planets – Kepler-20f" (in Engels). Nasa. Geargiveer vanaf die oorspronklike op 31 Maart 2017. Besoek op 23 Desember 2011.
- ↑ Overbye, Dennis (20 Desember 2011). "Two Earth-Size Planets Are Discovered" (in Engels). New York Times. Geargiveer vanaf die oorspronklike op 16 Mei 2020. Besoek op 21 Desember 2011.
- ↑ Tate, Karl (20 Desember 2011). "At Last, Earth-Sized Alien Worlds (Infographic)" (in Engels). Space.com. Geargiveer vanaf die oorspronklike op 9 Junie 2019. Besoek op 21 Desember 2011.
- ↑ http://arxiv.org/abs/1112.4550
Eksterne skakels[wysig | wysig bron]
- Multimedia:
- Video (01:33) Nasa Discovers First Earth-like Exoplanet Orbiting a Sun-like Star.
Wikimedia Commons het meer media in die kategorie Kepler-20.
Hierdie artikel is vertaal uit die Engelse Wikipedia
