Kepler-62

in Wikipedia, die vrye ensiklopedie
Spring na: navigasie, soek
Kepler-62
’n Kunstenaarsvoorstelling van Kepler-62f (voor) en Kepler-62e (regs), twee eksoplanete in die bewoonbare sone van die ster Kepler-62 (middel). Bron: Nasa Ames/JPL-Caltech
’n Kunstenaarsvoorstelling van Kepler-62f (voor) en Kepler-62e (regs), twee eksoplanete in die bewoonbare sone van die ster Kepler-62 (middel).
Bron: Nasa Ames/JPL-Caltech
Sterrebeeld Lier
Spektraaltipe K2V[1]
Waarnemingsdata (Epog J2000)
Regte klimming 18h 52m 51.060s[2]
Deklinasie +45° 20′ 59.507″[2]
Skynmagnitude (m) 13,75[1]
Besonderhede
Massa (M) 0,69 ± 0,02[1]
Radius (R) 0,64 ± 0,02[1]
Ouderdom (jaar) 7 miljard[1]
Temperatuur (K) 4 925 ± 70[1]
Afstand (ligjaar) ~1 200
Planete 5
Ander name
KIC 9002278, KOI 701
Portaal  Portaalicoon   Sterrekunde

Kepler-62 is ’n Klas K-ster (effens koeler en kleiner as die Son) in die sterrebeeld Lier. Dit is sowat 1 200 ligjare van die Aarde af. Dit lê in die sigveld van die Kepler-ruimteteleskoop, die Nasa-satelliet wat sterre waarneem wat moontlik planete kan hê. Op 18 April 2013 is aangekondig dat die ster vyf eksoplanete het, waarvan twee (Kepler-62e en Kepler-62f) moontlik soliede planete in die bewoonbare sone van die ster is.[1][3]

Geskiedenis en name[wysig]

Voordat die ster deur Kepler waargeneem is, het dit die 2MASS-katalogusnommer 2MASS J18525105+4520595 gehad. In die Kepler Input Catalog was sy naam KIC 9002278 en toe ontdek is dat dit moontlik planete het, het dit die KOI-naam KOI 701 gekry.

Die letters wat agteraan ’n ster se naam gevoeg word om sy planete name te gee, loop gewoonlik vanaf "b" in die volgorde van ontdekking. In Kepler-62 se geval is al die planete tegelykertyd ontdek en die naam "b" is toe gegee aan die planeet wat die naaste aan die ster is, gevolg deur "c" tot "f".[1]

Kenmerke[wysig]

Kepler-62 is ’n Klas K-ster waarvan die massa sowat 69% dié van die Son is en die radius 64%. Dit het ’n oppervlaktemperatuur van 4 925 ± 70 K en dit is sowat 7 miljard jaar oud.[1] Die Son is sowat 4,6 miljard jaar oud[4] en het ’n oppervlaktemperatuur van 5 778 K.[5]

Die ster se skynbare magnitude (soos dit van die Aarde af lyk) is 13,75 en dit is dus te dof om met die blote oog te sien.

Planeetstelsel[wysig]

Al vyf bevestigde planete se wentelbaan loop voor die ster verby soos vanaf die Aarde gesien. Hul radiusse is tussen 0,54 en 1,95 aardradiusse. Die planete "e" en "f" is waarskynlik soliede planete wat in die ster se bewoonbare sone lê.

Die Kepler-62-stelsel
Planeet
(vanaf ster)
Massa Semi-hoofas
(AE)
Wentelperiode
(dae)
Eksentrisiteit Radius
b <9 M 0,0553 ± 0,0005 5,714932 ± 0,000009 1,31 ± 0,04 R
c <4 M 0,0929 ± 0,0009 12,4417 ± 0,00001 0,54 ± 0,03 R
d <14 M 0,120 ± 0,001 18,16406 ± 0,00002 1,95 ± 0,07 R
e <36 M 0,427 ± 0,004 122,3874 ± 0,0008 1,61 ± 0,05 R
f <35 M 0,718 ± 0,007 267,291 ± 0,005 1,41 ± 0,07 R

Sien ook[wysig]

Verwysings[wysig]

  1. 1,0 1,1 1,2 1,3 1,4 1,5 1,6 1,7 1,8 William J. Borucki; et al. (18 April 2013). “Kepler-62: A Five-Planet System with Planets of 1.4 and 1.6 Earth Radii in the Habitable Zone”. Science Express. DOI:10.1126/science.1234702. Besoek op 18 April 2013.
  2. 2,0 2,1 Kepler Input Catalog search result”. Space Telescope Science Institute. URL besoek op 18 April 2013.
  3. NASA's Kepler Discovers Its Smallest 'Habitable Zone' Planets to Date”. Nasa. 18 April 2013. URL besoek op 18 April 2013.
  4. Fraser Cain (16 September 2008). “How Old is the Sun?”. Universe Today. URL besoek op 19 February 2011.
  5. Fraser Cain (15 September 2008). “Temperature of the Sun”. Universe Today. URL besoek op 19 February 2011.

Eksterne skakels[wysig]

Sterre met vier of meer planete
Agt: SonSewe: HD 10180Kepler-90Ses: HD 40307Kepler-11Vyf: 55 CancriGliese 667 CKepler-186Kepler-20Kepler-62Kepler-32Kepler-33 • Kepler-55 • Kepler-84 • Kepler-102 • Kepler-122 • Kepler-169 • Kepler-238 • Kepler-292 • Kepler-296 • Vier: Gliese 876Upsilon AndromedaeMu AraeGliese 676 A • HD 141399 • HR 8799Kepler-37 • Kepler-24 • Kepler-89 • Kepler-26 • Kepler-48 • Kepler-49 • Kepler-80 • Kepler-79 • Kepler-82 • Kepler-85 • Kepler-106 • Kepler-282