Muggie

in Wikipedia, die vrye ensiklopedie

Muggies
'n Malariamuskiet (Anopheles gambiae)
Wetenskaplike klassifikasie e
Domein: Eukaryota
Koninkryk: Animalia
Filum: Arthropoda
Klas: Insecta
Orde: Diptera
Suborde: Nematocera
Infraordes

Muggies (Nematocera) is vlieënde insekte wat aan die orde van tweevlerkiges behoort. Sommige spesies lyk meer soos vlieë, spinnekoppe of vlinders as ander muggies. Op die oog af lyk muggies soos primitiewe vlieë met 'n klein, dun en broos liggaam, ses dun pootjies, gewoonlik twee veeragtige antennes, 'n klein kop en dikwels 'n sigbare suigsnoet.

Muggies leef van plantsappe (soos nektar) en is redelik onopvallende insekte. In rus word die twee vlerke agter die rug ingevou en die agterste pote na agter uitgestrek. Hulle neem die posisie in om aankomende vyande te bespeur. Hulle kan lugbewegings met die agterpote waarneem en vinnig wegvlieg sou gevaar nader.

Steekmuggies of muskiete is die bekendste muggies en is in beginsel onskuldige insekte wat van nektar leef. Tog is hulle berug as bloedsuiers. Die wyfies benodig die bloed vir die ontwikkeling van hul eiers. Dit veroorsaak meestal 'n rooi jeukerige knop, maar bytende muggies kan ook groot skade aanrig weens die siektes wat hul versprei. In tropiese gebiede dra muggies dikwels dodelike siektes (soos malaria) op groot skaal aan mense en ander diere oor. Miljoene mense sterf jaarliks aan hierdie siektes en dit veroorsaak enorme ekonomiese skade vir veeboere.

In die Benede-Oranjegebied is die Steekmuggies 'n groot probleem gedurende die warm somermaande vir mens en dier wat behoorlik deur hierdie insekte aangeval word. Die skape, bokke, perde, donkies en pluimvee word gesteek en gesuig dat die bloed loop. Die wonde raak septies indien nie behandel word nie. Die diere vind dit moeilik om behoorlik te wei en te vreet.

Die Dept. van Waterwese reguleer die vlakke van die Oranjerivier gereeld sodat die muggie-eiers tot niet kan gaan in die bloedige son waar hulle dan op die rotse blootgestel word.

Eksterne skakels[wysig | wysig bron]