Radiumsulfaat

Eienskappe

Algemeen
Naam	Radiumsulfaat
Struktuurformule van
Chemiese formule	RaSO4
Molêre massa	322,06 [g/mol]
CAS-nommer	7446-16-4
Voorkoms	wit kristalle
Fasegedrag
Selkonstantes	a=912,9(8)pm; b=553,8(3)pm; c=731,3(5)pm
Ruimtegroep	Pnma
Nommer	62
Strukturbericht	H0₂
Smeltpunt
Kookpunt
Digtheid
Oplosbaarheid
Ksp	3,66 x 10-11
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Radiumsulfaat is 'n sout van die sterk radioaktiewe element radium en swaelsuur met die formule RaSO₄.

Kristalstruktuur

Radiumsulfaat kristalliseer in die ortorombiese bariet-stuktuur, H0₂ in die strukturbericht-klassifikasie.

Chemiese eienskappe

Radiumsulfaat word gevorm indien 'n sulfaat of 'n verdunde oplossing van swaelsuur by 'n oplossing van 'n radiumsout gevoeg word.

$Ra^{2+}(aq)+SO_{4}^{2-}(aq)\rightarrow RaSO_{4}(s)\downarrow$

Dié neerslag is oplosbaar in gekonsentreerde swaelsuur. Dit kan deur dit te verhit met 'n karbonaat in die karbonaat omgesit word. Dit is in verdunde sure oplosbaar. 'n Ander metode om dit oplosbaar te maak is om dit met koolstof te verhit om dit tot die sulfied te reduseer:

$RaSO_{4}(s)+2C(s)\xrightarrow {hitte} RaS(s)+2CO_{2}(g)\uparrow$

Gebruike

Radiobariet

Die oplosbaarheid van radiumsulfaat is dalk ten minste 100 keer minder as bariumsulfaat s'n. Dit is dus die mees onoplosbare sulfaat wat bekend is. Dit vorm mengkristalle met nie-radioaktiewe en baie onoplosbare bariumsulfaat. Hierdie mengkristalle kom in die natuur as die mineraal radiobariet voor.

Mede-presipitasie van radium in bariumsulfaat is 'n belangrike metode om die migrasie van radium te beheer en radioaktiewe besoedeling van die omgewing te verhoed. Radium is 'n baie radioaktiewe produk van die verval van uraan wat self die radioaktiewe edelgas radon vrystel wat 'n gesondheidsgevaar oplewer. Dit het navorsing na hierdie verbinding baie bemoeilik.

Bariumsulfaat is so 'n uitstekende draer vir radium dat radium vinnig geadsorbeer word selfs wanneer voorafgevormde kristalle van bariumsulfaat by 'n radiumhoudende oplossing gevoeg word. Eers kan 'n deel van die geadsorbeerde radium nog verwyder word deur die kristalle te was, maar na 'n kort tydjie raak die radium ingesluit in die kristalrooster en kan dit nie meer verwyder word deur te was nie. Die migrasie van die radium in die rooster van bariumsulfaat gaan stadig voort totdat isomorfe mengkristalle gevorm is.