Rooikophoutkapper

in Wikipedia, die vrye ensiklopedie
Jump to navigation Jump to search

Rooikophoutkapper
Lybius torquatus 2.jpg
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
L. torquatus
Binomiale naam
Lybius torquatus
(Dumont, 1816)
'n Rooikophoutkapper
'n Kleinheuningwyser, in werklikheid 'n broeiparasiet, wag om gevoed te word (Honeydew, Johannesburg).

Die Rooikophoutkapper (Lybius torquatus) is een van die houtkappers wat die volopste in Afrika is. In Engels staan die voël bekend as die Black-collared barbet.

Voorkomsgebied[wysig | wysig bron]

Die houtkapper kom voor in Sub-Sahara Afrika regdeur Angola, Botswana, Burundi, die Demokratiese Republiek van die Kongo, Kenia, Lesotho, Malawi, Mosambiek, Namibië, Rwanda, Suid-Afrika, eSwatini, Tanzanië, Uganda, Zambië en Zimbabwe.

Roepgeluide[wysig | wysig bron]

Die rooikophoutkapper is een van vele duetspesies in die Lybius genus en uiter gereeld duette in sy dag-tot-dag lewe. Daar word geen sang op sy eie, deur net een lid van die spesie, gemaak nie.[2] Die repertoire van die duette wissel ook nie veel nie. [3] Hierdie spesie word geredelik herken aan sy harde duet, wat klink soos "too-puddly! too-puddly! too-puddly!" of "too-doodle! too-doodle!"[2].... vergesel van 'n vlerkgeklap. Benewens die vlerkgeklap, draai die voëls in die paar na mekaar terwyl hulle fluit, en leun vorentoe terwyl plegtig voor mekaar gebuig word. Hierdie voël gee 'n verskeidenheid van roepe, insluitende sy grommende waarskuwingsroep en skril, harde gegons. Die gromgeluid kan die inisiëring van die duet wees.[2]

Duet[wysig | wysig bron]

Die too puddly-deuntjie is eintlik 'n antifonale duet. Dit beteken dat een voël in die paar die eerste noot sing, en die ander voël in die paar die tweede noot. Vir omstanders klink dit nie of dit uit twee verskillende voëls kom nie.[4] Dit het duidelike seksuele duetrolle, na 'n groetseremonie, en die maat se note verskil. Die voëls sing nie gelyktydig nie, maar is gesinchroniseer in hul duette.[3] Die tyd tussen wanneer een voël ophou sing, en wanneer die ander voël in die paar die deuntjie voortsit, word die ouditiewe reaksietyd vir die duet genoem. Die geskatte ouditiewe reaksietyd vir hierdie voël is 178 ms.[2]

Dieet/voeding[wysig | wysig bron]

Hierdie houtkappers is meestal enkellopende voëls wat verskeie soorte vrugte en groente vreet. Hulle besoek gereeld plantasies om daar kos te vind. Die vrugte word heel geëet en die pitte later uitgebraak.[4]

Broeityd[wysig | wysig bron]

Die L. torquatus-spesie se broeiseisoen strek van Desember tot Februarie.[2]

Sien ook[wysig | wysig bron]

Verwysings[wysig | wysig bron]

  1. BirdLife International (2012). "Lybius torquatus". IUCN Rooilys van Bedreigde Spesies. Weergawe 2012.1. Internasionale Unie vir die Bewaring van die Natuur. Besoek op 16 Julie 2012. 
  2. 2,0 2,1 2,2 2,3 2,4 Payne, R. B. en N. J. Skinner. "Temporal Patterns of Duetting in African Barbets." Ibis 112.2 (1970): 173-183. Web.
  3. 3,0 3,1 Short, Lester L. en Jennifer F. Horne. "A Review of Duetting, Sociality and Speciation In Some African Barbets (Capitonidae)." Condor 85.3 (1983): 323-32. Web.
  4. 4,0 4,1 "Africa’s Barbets." 10,000 Birds. N.p., n.d. Web. Besoek op 3 Desember 2013.