Slangbaber

in Wikipedia, die vrye ensiklopedie

Slangbaber
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Familie:
(Bonaparte, 1846)[1]
Genus:
(Scopoli, 1777)[2]
Spesie:
C. theodorae
Binomiale naam
Clarias theodorae
(Weber, 1897)[3]

Die Slangbaber (Clarias theodorae) is 'n varswater vis wat voorkom in die Kunenerivier, Okavangorivier, die boonste en onderste gedeeltes van die Zambezirivier, Kafuerivier, Limpoporivier en die kusriviere van noordelike KwaZulu-Natal. Buite Suider-Afrika kom hulle ook voor in die Malawimeer, Kongorivier-stelsel en die Rufigirivier in Tanzanië. In Engels staan die vis bekend as die Snake catfish.

Voorkoms[wysig | wysig bron]

Die Slangbaber het ‘n klein koppie, sowat een sesde van sy totale lengte, met vier paar baarde. In die bokaak is twee tandplate.

Die rugvin is baie lank, sowat twee derdes van die totale vis se lengte en loop tot voor die stertvin. Die vetvin is afwesig. Die stertvin is rond en goed ontwikkel. Die anale vin strek oor die helfte van die totale vislengte. Die buikvin is gepaard en swak ontwikkel. Die borsvin is gepaard en swak ontwikkel. Sy liggaamsvorm (profiel) is silindries en lank. Die skubbe is mikroskopies klein in slym.

Die vis se kleur is donkerbruin tot swart met die maag en vinne effens ligter.

Die vis word nie baie groot nie, sowat 30 cm en 200g.

Habitat[wysig | wysig bron]

Slangbabers word aangetref in vlak, stadigvloeiende of staande water met baie digte waterplante of soms in stroomversnellings waar klippe skuiling bied.

Hul word gevang met ‘n baie klein hoekie en waterlarwes, garnale, waterinsekte en erdwurms as aas.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. uBio (en)
  2. Scopoli J. A. 1777. Introductio ad historiam naturalem, sistens genera lapidum, plantarum et animalium hactenus detecta, caracteribus essentialibus donata, in tribus divisa, subinde ad leges naturae. Prague. Introd. Hist. Nat. . i-x + 1-506.
  3. BioLib (en)

Eksterne skakel[wysig | wysig bron]