Neith

Neith
Die godin Neith met haar simbole: gekruisde pyle en ’n skild op haar kop, die anch en die was-septer.
Soort godin	Egipties
Godin van	Oorlog, jag, weef en wysheid
Naam in hiërogliewe
Kultussentrum	Sais
Simbool	Boog, skild, gekruisde pyle
Metgesel	Chnoem of Set
Kinders	Sobek
Portaal    Antieke Egipte

Neith (ook Nit, Net of Neit) was ’n godin in die vroeë Egiptiese mitologie. Sy was die beskermgodin van die stad Sais, waar haar kultus gesentreer was in die westelike Nyldelta. Sy word al tydens Antieke Egipte se 1ste Dinastie genoem.

Sy was die godin van oorlog en jag en haar simbole was ’n boog, skild en gekruisde pyle. Haar simbole was ook dié van Sais. In haar gedaante as oorlogsgodin het sy die wapens van vegters gemaak en hul liggaam bewaak as hulle sterf.

Haar naam beteken ook water. Sy is mettertyd beskou as die verpersoonliking van die oerwaters van die skepping. In dié gedaante was sy ’n moeder- en skeppergodin.