Suidelike mondbroeier

in Wikipedia, die vrye ensiklopedie

Suidelike mondbroeier
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Familie:
Genus:
(Fowler, 1934)[1]
Spesie:
P. philander
Binomiale naam
Pseudocrenilabrus philander
(Weber, 1897)[2][3]

Die Suidelike mondbroeier (Pseudocrenilabrus philander) is 'n varswatervis wat voorkom in die Oranjerivier-stelsel en rivierstelsels verder noord in Suider-Afrika. Dit kom ook voor in KwaZulu-Natal, sytakke van die Kongorivier en Malawimeer. In Engels staan die vis bekend as Southern mouthbrooder.

Voorkoms[wysig | wysig bron]

Die vis het 'n bolronde stertvin en die mond is klein. Die wyfies is ligbruin met swart vertikale strepe en die vinne is liggeel. Die mannetjies se kleur wissel na aanleiding van area. Hulle is gewoonlik helder lig blou en geel met 'n skuins streep deur die oog, die onderkaak helder blou. Die dorsalevin het 'n rooi punt, die voorste rant is swart en agter is helder blou kolle op. Die bekkenvinne is swart, die stert- en analevinne het helder blou en rooi kolle op en die analevin het 'n oranje rant. Die kleure staan baie meer uit gedurende die broeityd. Die vis word tot 130 mm lank.

Habitat[wysig | wysig bron]

Die vis leef in 'n verskeidenheid habitatte, van vloeiende water tot mere en geïsoleerde sinkgate. Hulle verkies normaalweg die gedeeltes met meer plantegroei en vreet insekte, varswater garnale en selfs klein vissies. Die visse broei in die vroeë lente tot laat somer. Die mannetjie pen 'n gebied af en verdedig dit. Hy maak 'n nes in die gebied en lok dan wyfies aan. Die eiers word gelê in die nes, bevrug en dan deur die wyfie in haar mond geneem. Sy onttrek na 'n stil area, broei die eiers uit, versorg die larwes en klein vissies totdat hulle vir hulle self kan sorg.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. Fowler, H. W., 1934. Fishes obtained by Mr. H. W. Bell-Marley chiefly in Natal and Zululand in 1929 to 1932. Proc. Acad. Nat. Sci. Phila. v. 86: 405-514.
  2. BioLib (en)
  3. Weber, M., 1897. Beiträge zur Kenntniss der Fauna von Süd-Afrika. I. Zur Kenntniss der Süsswasser-Fauna von Süd-Afrika. Zoologische Jahrbücher. Supplementheft, Jena v. 10: 135-199.

Eksterne skakel[wysig | wysig bron]