Suikerbosrand-natuurreservaat

Suikerbosrand-natuurreservaat
	'n Kloof in die Suikerbosrand-natuurreservaat
Land	Suid-Afrika
Provinsie	Gauteng
Naaste dorp	Heidelberg
	; Suikerbosrand-natuurreservaat
Koördinate: 26°30′0″S 28°15′0″O / 26.50000°S 28.25000°O
Oppervlak	11 595 ha
Openingsjaar	Maart 1974
Bestuursliggaam	Gautengregering

Die Suikerbosrand-natuurreservaat is 'n bewaringsgebied in die Suikerbosrandreeks, aanliggend aan Heidelberg, Gauteng, en is een van Gauteng se mees gewilde ekotoerisme-bestemmings.^[1]

Geleë net 'n kort entjie buite Johannesburg, 'n uur se ry van die O.R. Tambo Internasionale Lughawe en naby die historiese dorp Heidelberg, spog hierdie reservaat met 'n verteenwoordigende monster van die fauna en flora van die klipperige Hoëveld grasveldbioom. Met 134 km² (52 sq mi) se ongerepte natuurlike omgewing sowel as 'n bergreeks gekarakteriseer deur kronkelende voetslaanpaaie, bied die reservaat 'n ongelooflik verfrissende blaaskans van die bedrywige stadslewe. Hier wissel die hoogte tussen 1 545 en 1 917 m bo seespieël.

Die Suikerbosrandrif is oorspronklik vernoem na 'n soetriet wat hier gevind is deur die groep van generaal Hendrik Potgieter op 5 Junie 1836.^[2] Later is die rif en gevolglik die reservaat se naam geassosieer met die kenmerkende Transvaalse suikerbos (Protea caffra), 'n dominante planttipe binne die gebied se grense.^[3]

Dit is vernoem na die suikerbos wat volop in die reservaat voorkom. Plantegroei wissel van oop grasvlaktes met kranse en klowe tot beboste valleie en soetdoringveld.

'n Verskeidenheid soogdiere kom voor in die reservaat soos blesbok, bobbejaan, eland, gewone duiker, vaalribbok, koedoe, oorbietjie, rooihartbees, steenbok, springbok, swartwildebees en sebra.

'n Groot verskeidenheid voëls word ook in die reservaat aangetref, soos die bergpatrys, rooivlerkpatrys, rooiborsjakkalsvoël, rooikeelflap, witkruisarend en Kaapse wewer.

'n Vallei in die Suikerbosrand-natuurreservaat.
Elande wei in die natuurreservaat.
'n Hoëveldkiepersol
Landskap in die Suikerbosrand-natuurreservaat.

↑ "Gazetted Name: Suikerbosrand Nature Reserve" (PDF).
↑ du Plessis, E.J. (1973). Suid-Afrikaanse berg- en riviername. Tafelberg-uitgewers, Kaapstad. p. 181. ISBN 0-624-00273-X.
↑ Raper, P.E. (2004). South African Place Names. Jonathan Ball, Jhb & Kaapstad. p. 358. ISBN 1-86842-190-2.

[1] "Gazetted Name: Suikerbosrand Nature Reserve" (PDF).

[2] u Plessis, E.J. (1973). Suid-Afrikaanse berg- en riviername. Tafelberg-uitgewers, Kaapstad. p. 181. ISBN 0-624-00273-X.

[3] Raper, P.E. (2004). South African Place Names. Jonathan Ball, Jhb & Kaapstad. p. 358. ISBN 1-86842-190-2.

[1]

[2]

[3]