Verligting

in Wikipedia, die vrye ensiklopedie
Spring na: navigasie, soek

Die Verligting was ’n kulturele beweging van intellektuele wat in die laat 17de eeu in Europa begin het. Dit het klem gelê op rede en individualisme eerder as tradisie.[1] Die doel daarvan was om die gemeenskap te hervorm deur die gebruik van rede, om idees uit te daag wat hul grondslag in tradisie en geloof het en om kennis deur middel van wetenskaplike metodes te bevorder.

Deur die Verligting is skeptisisme en intellektuele kommunikasie aangewakker.[2] Dit was ’n revolusie in die menslike denke. Die nuwe manier waarop mense gedink het, was dat rasionele denke met duidelik uitgestippelde beginsels begin, korrekte logika gebruik om tot gevolgtrekkings te kom, die gevolgtrekkings teen getuienis toets en dan die beginsels hersien in die lig van die getuienis.

Verwysings[wysig | wysig bron]

  1. "Enlightenment". Oxford Dictionaries. Oxford University Press, n.d. Web. 19 September 2013.
  2. Kors, Alan Charles. Encyclopedia of the Enlightenment. Oxford: Oxford UP, 2003. Print.