Burgersfort

Burgersfort
Burgersfort
Koördinate: 24°40′″S 30°19′″O
Land	Suid-Afrika
Provinsie	Limpopo
Distriksmunisipaliteit	Sekhukhune
Plaaslike Munisipaliteit	Groter Tubatse
Tydsone	SAST (UTC+2)

Burgersfort is 'n dorp in die Limpopoprovinsie, Suid-Afrika. Die dorp lê sowat 60 km noord van Lydenburg, en 26 km van Ohrigstad af en lê in die vallei van die Spekboomrivier naby die sameloop met die Steelpoortrivier.

Geskiedenis

Die dorp het sy naam gekry van die seskantige Fort Burgers wat in 1876-77 gebou is tydens die tweede oorlog van Transvaal met die Bapedi. Die fort is vernoem na President TF Burgers.

Distrik

Groot neerslae van ystererts, asbes, andalusiet en vanadium is in die distrik bevestig. Die belangrikste gewasse is lusern, tabak, koring en sitrus.

Sien ook

• Lys van dorpe in Suid-Afrika

Bronne

• Op Pad in Suid-Afrika. BPJ Erasmus. 1995. ISBN 1-86842-026-4
• Ensiklopedie van Suidelike Afrika. Eric Rosenthal. 1967