Goudvis

in Wikipedia, die vrye ensiklopedie
Spring na: navigasie, soek
Goudvis
Bewaringstatus
Makgemaakte dier
Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Ostariophysi
Orde: Cypriniformes
Familie: Cyprinidae
Genus: Carassius
Spesie: C. auratus
Binomiale naam
Carassius auratus

Die goudvis (Carassius auratus) is een van die eerste visse wat makgemaak is en nog steeds een van die gewildste akwariumvisse. Goudvisse is deel van die karpfamilie (wat ook die koikarp en die crucian karp bevat).

Goudvisse kan tot 59 cm lank word en tot 4,5 kg weeg, al word die meeste goudvisse nie so lank of so swaar nie. In ideale toestande kan 'n goudvis ongeveer 20 jaar leef (die wêreldrekord is 49 jaar).

Geskiedenis[wysig]

Gedurende die Tangdinastie in Sjina was dit gewild om karpvisse in skoudamme aan te hou en gevolglik het 'n mutasie ontstaan wat die visse 'n goue kleur gegee het. Mense het toe begin om die visse te teel en hulle in terracottapotte te plaas. In 1502 is goudvisse in Japan bekendgestel, waar nog subspesies geteel is. Goudvisse is in 1874 in die VSA bekendgestel en van toe af het hulle gewildheid gegroei.

Variasies[wysig]

Deur inteling oor die eeue het verskeie variasies ontstaan. Sekere goudvisspesies kan net in akwariums leef (soos die teleskoopoog), maar ander goudvisse (soos die komeet) is baie sterk en vinnig (soortgelyk aan die koikarp).

'n Goudvisakwarium.

Verspreiding in Suid-Afrika[wysig]

Die vis kom wild voor in die Kaapse Vlakte-area, Breederivier naby Robertson, die Baakensrivier naby Port Elizabeth, Grahamstad, Apiesrivier in Pretoia, Umsinduzirivier in Pietermaritzburg en die Chinhoyi-grotte in Zimbabwe.

Habitat[wysig]

Die vis leef in stil plekke wat plantegroei bevat byvoorbeeld visdammetjies in tuine. Hulle is omnivore en vreet organiese afsaksels, detritus en ongewerweldes. Die wyfie lê eiers in plantegroei wat onderwater is.

Sien ook[wysig]

Bron[wysig]