Robertson

Robertson
Robertson se NG moederkerk
Robertson
Koördinate: 33°48′S 19°53′O
Land	Suid-Afrika
Provinsie	Wes-Kaap
Distriksmunisipaliteit	Kaapse Wynlande
Plaaslike Munisipaliteit	Langeberg
Stigting	1853
Oppervlak
- Stad	10,82 km²  (4,2 vk m)
Bevolking (2001)
- Stad	18 341
Tydsone	SAST (UTC+2)
Vernoem na	William Robertson

Robertson is 'n dorp in die Kaapse Wynlanddistrik (provinsie Wes-Kaap, Suid-Afrika) met sowat 18 000 inwoners.

Geskiedenis

Die dorp het ontstaan toe die NG Kerk 'n gemeente gestig het in 1852. 'n Deel van die plaas Roode Zand is gekoop en die eerste erwe is in 1853 verkoop. Die dorp is vernoem na dr. William Robertson, een van die Skotse predikante wat goewerneur lord Charles Somerset na Suid-Afrika laat kom het om die tekort aan Hollandse predikante aan te vul maar veral om die Afrikanerbevolking te verengels.

Omgewing en ekonomiese aktiwiteite

Danksy sy ligging in die vrugbare Robertsonvallei is landbou nog steeds die steunpilaar in die plaaslike ekonomie. Vroeër het die dorp ook bekend gestaan vir sy wamakery, tog het die spoorweë ná die einde van die Tweede Vryheidsoorlog die vervoersektor begin oorheers en waens heeltemaal verdring. Ook die volstruisteelt is weens 'n ekonomiese krisis in dié bedryf ná die einde van die Eerste Wêreldoorlog gestaak. Die boere in die omgewing het hulle vervolgens op die verbouing van wyn en vrugte en die teelt van renperde toegespits. Die plaaslike wynbedryf staan lankal bekend vir sy brandewyn en muskaatwyn.

Die dienstesektor, veral die toerisme, speel 'n steeds belangriker rol op Robertson.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Die amptelike webwerf vir voornemende toeriste