Internasionale Lughawe Sjeremetjewo

in Wikipedia, die vrye ensiklopedie
Spring na: navigasie, soek
Internasionale Lughawe Sjeremetjewo
Sheremetyevo International Airport
Международный аэропорт Шереметьево
Sheremetyevo view.JPG
Lugfoto van Sjeremetjewo
IATA: SVOICAO: UUEE
Opsomming
Tipe lughawe Openbaar
Operateur International Airport Sheremetyevo
Bedien Moskou
Ligging Khimki, Moskou-oblast, Rusland
Spil vir
  • Aeroflot
  • Nordavia
  • Nordwind Airlines
  • Transaero Airlines
  • Vladivostok Air
Hoogte bo seevlak 622 vt / 190 m
Webtuiste www.svo.aero
Landkaart
UUEE is geleë in Moskou-oblast
UUEE
Ligging binne die Moskou-oblast
Aanloopbane
Rigting Lengte Oppervlak
m vt
07R/25L 3,700 Beton
07L/25R 3,550 Beton
Statistieke (2013)
Passasiers 29,256,000
Lugbewegings 243,858

Die Internasionale Lughawe Sjeremetjewo (Russies: Международный Аэропорт Шереметьево) is ’n internasionale lughawe in die Moskou-oblast, Rusland. Dit is sowat 29 km noordwes van Sentraal-Moskou geleë. Dit is die hooflughawe van die Russiese internasionale lugdiens Aeroflot, en saam met Domodedowo en Wnoekowo een van die hooflughawens van Moskou. (Die IATA-kode vir die drie lughawens is MOW). Dit is naas Domodedowo die grootste lughawe in Rusland. In 2010 het 19 329 000 passasiers dit gebruik.[1]

Geskiedenis[wysig]

Sheremetjewo is op 11 Augustus 1959 in gebruik geneem en die eerste internasionale vlug was op 1 Junie 1960 na Berlyn se Schönefeld-lughawe. Sheremetjewo-1, wat vir binnelandse vlugte gebruik word, het op 3 September 1964 geopen.

Sheremetjewo-2, die grootste van die twee terminaalkomplekse, is op 1 Januarie 1980 in gebruik geneem vir die 1980 Olimpiese Somerspele. Dit word gebruik vir internasionale vlugte. Daar is geen fisieke verbinding tussen die twee terminaalkomplekse nie; dit is basies twee verskillende lughawens wat dieselfde aanloopbane gebruik. Min ander lughawens het ’n soortgelyke opset.

Uitbreiding[wysig]

Die binnekant van die nuwe Terminaal C.

In die 2000's het die mededinging van ander, geriefliker lughawens soos Domodedowo toegeneem. Die behoefte aan uitbreiding het al hoe dringender geword met groot internasionale lugdienste soos Lufthansa, British Airways, Iberia Airlines, Japan Airlines, Brussels Airlines, Austrian Airlines Group en Swiss International Air Lines wat die lughawe gebruik.

’n Nuwe terminaal, Terminaal C, is langs Terminaal 1 (of Sjeremetjewo-1) gebou. Dit het ’n vloeroppervlak van 40 000 m2 en kan 5 miljoen passasiers per jaar hanteer. Terminaal 1 word hoofsaaklik gebruik vir binnelandse laekostevlugte en vlugte na Minsk, Belarus. Daar word beplan om dit op te knap as ’n terminaal vir besigheidstralers en dit te hernoem na Terminaal B.[2]

Terminaal D is in November 2009 langs Terminaal 2 (nou bekend as Terminaal F) in gebruik geneem. Die gebou van 170 000 m2 word gebruik deur Aeroflot en sy SkyTeam-vennote en kan 12 miljoen passasiers per jaar hanteer.[3] Aeroflot is in die proses om alle internasionale vlugte van Terminaal F na Terminaal D te skuif. Dit sou in Februarie 2010 plaasvind, maar is uitgestel.[4]

Intussen word Terminaal F opgeknap. ’n Deel, Terminaal E[5] is reeds in gebruik en verbind Terminaal D en F. Sedert 3 Julie 2010 verbind ’n loopweg Terminaal D, E, F en die Aeroexpress-spoorwegterminaal,[6] en sedert 2 November 2010 is daar ’n loopweg tussen Terminaal D, E en F.[7] Ná die bouwerk sal die suidelike kompleks – Terminaal D, E en F – tot 25 miljoen passasiers per jaar kan hanteer. Eindelik, nadat die noordelike deel van die lughawe ook herbou is, sal dié getal styg tot 40 miljoen.[2]

Vervoer[wysig]

’n Trein na Sentraal-Moskou.

Trein[wysig]

In November 2004 is daar ’n sneltrein wat loop tussen die Sawjolofski-spoorwegterminaal en Lobnja-stasie, wat sowat 7 km van die lughawe af is. Van daar kan ’n bus of taxi gehaal word. Op 10 Junie 2008 is ’n spoorwegterminaal voor Terminaal F geopen met ’n direkte diens van Sawjolofski af. ’n Busdiens vervoer passasiers van Terminaal B en C.[8] Op 28 Augustus 2009 is die lyn verleng na die Beloroessk-spoorwegterminaal en teen 2015 sal ’n nuwe sentrale spoorlyn al drie die hooglughawens van Moskou bedien.[9]

Pad[wysig]

Die hoofpad na die lughawe, die Leningradskoje-snelweg, ondervind groot verkeersknope. Stadige busse en vinniger minibustaxi's (bekend as marsjroetkas) vebind Sjeremetjewo met Moskou se uitgebreide metro-netwerk. Daar is ook amptelike lughawe-taxi's beskikbaar op die lughawe.

Galery[wysig]

Verwysings[wysig]

Eksterne skakels[wysig]