John X. Merriman
vanuit Wikipedia, die vrye ensiklopedie.
John Xavier Merriman (1841 - 1926) was die laaste eerste minister van die Kaapse Kolonie voor die Uniewording van Suid Afrika in 1910.
[wysig] Vroeë Lewe
Hy is in Street, Somerset, Engeland gebore. Sy ouers was Nathaniel James Merriman, diaken van die Street gemeente en later die derde Biskop van Grahamstad, en Julia Merriman (née Potter). Hy het in 1849 (op die ouderdom van 8) saam met sy ouers na die Kaapse Kolonie geëmigreer. Hy het by die Diocesan College in Rondebosch, Kaapstad, en later by Radley College in Engeland opleiding ontvang. Hy is in 1861 terug na Suid Afrika toe, waar hy geboer het.
[wysig] Politieke Loopbaan
Nadat hy as boer en landmeter gewerk het, het hy in 1869 die politiek betree. In hierdie stadium was die Kaapse Kolonie besig om oor te beweeg na verteenwoordigende regering toe. Hy het eers die Namakwaland distrik, toe Wodehouse en uiteindelik Victoria Wes verteenwoordig. Nadat verantwoordilike regering in 1872 aan die Kolonie toegestaan is, het hy vanaf 1875 tot 1878 in die kabinet van die eerste Eerste Minister, Sir John Molteno, en later in dié van Scanlen, vanaf 1881 tot 1884. Hy was Tesourier-Generaal onder Cecil John Rhodes vanaf 1890 tot 1893, maar het sy verhouding met Rhodes na die Jameson-inval in Desember 1895 beëindig.
Daarna het hy 'n opponent van die mynboubelange en Britse imperialisme in Suider Afrika geword. Hierdie standpunt het vir hom die simpatie en samewerking van Jan Hendrik Hofmeyr se Afrikaner Bond gewen. Hy was 'n lid van die Kaapse kommissie van ondersoek na die Jameson-inval, en was verantwoordelik vir die opstel van die kommissie se verslag. Hy het weer as Tesourier-Generaal van die Kaap gedien onder W.P. Schreiner vanaf 1898 tot 1900. Hy het onsuksesvol probeer om die Tweede Vryheidsoorlog te keer.
In 1908 het sy South African Party saam met die Afrikaner Bond beheer van die Assembly gekry, en hy het as Eerste Minister van die Kaapse Kolonie gedien vanaf 1908 tot die Uniewording op 31 Mei, 1910.
Hy was 'n leidende figuur in die Nasionale Konvensie wat die Unie tot stand gebring het, en was 'n moontlike keuse vir die posisie van Eerste Minister van die nuwe Unie. Lord Gladstone, the eerste Goeweneur-Generaal, het egter vir die Afrikaner staatsman Louis Botha gevra om 'n regering te vorm. Merriman het 'n aanbod van 'n pos in die eerste Unie Kabinet van die hand gewys.
He het voortgegaan om te dien in die Parlement van Suid Afrika, waar hy eers die wyk van Victoria Wes, en toe Stellenbosch verteenwoordig het. Hy het 'n lewendige briefwisseling met Jan Christiaan Smuts voortgehou, waarin hy hom herhaaldelik gewaarsku het van die risiko van rebellie en burgeroorlog tussen die gemeenskap van Britse herkoms en die Afrikaners, wat opspraak gemaak het teen die Suid Afrikaanse samewerking met Groot Brittanje teen Duitsland in die Eerste Wêreldoorlog, veral die Suid Afrikaanse inval van Duits Suidwes-Afrika, tans Namibië. Hy was een van slegs 'n paar parlementslede wat die Native Land Act van 1913 teengestaan het, wat drasties die landeienaarskap deur die inheemse bevolking beperk het.
[wysig] Persoonlike Lewe
In 1874 is hy met Agnes Vintcent, daughter of Mr. L. Vintcent, 'n lid van die Kaapse Wetgewende Raad, getroud. In 1892 het hy 'n plaas gekoop, wat later Rustenberg Wines geword het. Rustenberg Wines het hom later vereer deur 'n wynsoort na hom te vernoem.
Hy is in 1926 op die ouderdom van 85 in Stellenbosch, Suid Afrika, oorlede.
(Hierdie artikel is oorspronklik vertaal uit die Engelse Wikipedia)
