Apiesdoring

in Wikipedia, die vrye ensiklopedie
Jump to navigation Jump to search
Apiesdoring
S.A. nasionale nommer: 166 [1]
Loof
Wetenskaplike klassifikasie
Koninkryk: Plantae
(klade): Magnoliophyta
(klade): Magnoliopsida
Orde: Fabales
Familie: Fabaceae
Subfamilie: Mimosoideae
Genus: Acacia
Spesie: Acacia galpinii
Binomiale naam
Acacia galpinii
Burtt Davy, 1922
Apiesdoring wat deur 'n Bosvy verstrengel word in die Manie van der Schijff Botaniese Tuin

Die Apiesdoring (Acacia galpinii) is 'n boom in die Peulplantfamilie (Fabaceae). Apiesdorings kom van Zambië in die Noorde tot die Noordwesprovinsie in die Suide voor. Ander name vir die boom is Monkey-thorn (Engels), Mologa (Noord-Sotho) en Tshikwalo (Venda).

Naam[wysig | wysig bron]

Acacia = van die Griekse woord akis wat punt of doring beteken, en galpinii = vernoem na Ernest Edward Galpin (1854-1941), bankier en plantversamelaar.

Beskrywing[wysig | wysig bron]

Die apiesdoring is 'n groot, halfbladwisselende boom tot 36 m hoog, met 'n spreidende half ronderige kroon. Die stam van ou bome het lengteverlopende groewe.

Bas van jong takke is kurkagtig en gelerig, maar gelerig tot bruin, kurkagtig, grof en oorlangs gegroef by ouer takke, dikwels met verspreide dorings op stam en takke.

Dorings is teruggekrom tot byna reguit, 8–12 mm lank, donkerbruin en in pare onder die knoppe.

Blare is dubbelveervormig saamgesteld, glad, met 'n groot klier net onderkant die eerste blaartjies, tot 160 mm lank, met 7-14 paar pinnas met 12-40 blaartjies.

Blomtyd is van September tot Januarie. Blomme is 60–120 mm lank en op kort sytakke, blomme sittend, rooierig tot pers voor hulle oopgaan en die boom is dus rooierig voor die blomme heeltemal oop is. Die blomme het 'n heuninggeur.

Vrugtevorming vind van Desember tot Maart plaas. Die peule is reguit, 100–200 mm lank, rooierig tot persbruin, oopspringend en bros.

Die hout het 'n ligbruin spinthout en 'n harde, swaar (lugdroog 980 kg/m3), donkerbruin kernhout met growwe draad.

Habitat[wysig | wysig bron]

Die apiesdoring kom voor op rivieroewers, in oop beboste grasveld en oop bosveld.

Gebruike[wysig | wysig bron]

Redelike sterk tou kan van die bas gemaak word.

Verwysings[wysig | wysig bron]

Bron[wysig | wysig bron]

Sien ook[wysig | wysig bron]