Bedoeïene

in Wikipedia, die vrye ensiklopedie
Jump to navigation Jump to search
Bedoeïene
Bedouin family-Wahiba Sands.jpg
’n Bedoeïense gesin in Oman.
Totale bevolking: 21 250 700[1]
Belangrike bevolkings  in: Vlag van Soedan Soedan 10 199 000[2]

Vlag van Algerië Algerië 230 000[3]-2 257 000[4]
Vlag van Saoedi-Arabië Saoedi-Arabië 1 532 000 (2013)[5][6]
Vlag van Irak Irak 1 437 000
Vlag van Jordanië Jordanië 1 232 000 (2013)[6]
Vlag van Libië Libië 916 000[7][8][9][10][11]
Vlag van Egipte Egipte 902 000 (2007)[12][13]
Vlag van Verenigde Arabiese Emirate Verenigde Arabiese Emirate 763 000[14]
Vlag van Sirië Sirië 620 000 (2013)[6][15][16]
Vlag van Jemen Jemen 457 000[17]
Vlag van Koeweit Koeweit 290 000[18]
Vlag van Tunisië Tunisië 177 000[19][20][21]
Vlag van Marokko Marokko 144 000[22][23]
Vlag van Israel Israel 250 000 (2012)[24]
Vlag van Mauritanië Mauritanië 54 000[25]
Vlag van Bahrein Bahrein 50 000
Vlag van Libanon Libanon 47 000[26]
Vlag van Katar Katar 39 000
Palestinian flag Palestynse Owerheid 30 000[27]
Vlag van Oman Oman 28 000
Vlag van Wes-Sahara Wes-Sahara 13 300[28][29]

Taal: Arabies
Geloofsoortuiging: Islam
Verwante etniese groepe: Arabiere

Die Bedoeïene (van die Arabiese badawī, بدوي) is ’n Arabiese halfnomadiese groep wat afstam van nomades wat histories die Arabiese en die Siriese Woestyn bewoon het. Hul naam beteken "woestynswerwers" in Arabies.[30] Hul woongebied strek van die uitgestrekte woestyne van Noord-Afrika tot die rotsagtige sandstreke van die Midde-Ooste.[30] Hulle word tradisioneel in stamme, of clans, opgedeel en deel ’n kultuur van kameel- en bokboerdery.[30]

Siriese Bedoeïene in 1893.

Die Bedoeïene is deur die geskiedenis verskillende name genoem, van "Kedar" in die Bybel tot "Araba'a" deur die Assiriërs. Hulle word in die Koran "A'raab" (Arabies: أعراب) genoem.

Hoewel baie Bedoeïene vandag hul nomadiese bestaan vir ’n lewe in die stad verruil het, het hulle hul tradisionele kultuur van musiek, gedigte, danse ensovoorts behou. Verstedelikte Bedoeïene organiseer ook kultuurfeeste waarin hulle deelneem aan Bedoeïense tradisies en daaroor leer.

Tradisies[wysig | wysig bron]

’n Bedoeïense Arabier, 1891.

Lewende hawe, veral kamele en bokke, was die bestaansbronne van die Bedoeïene. Dié diere is gebruik vir vleis, suiwelprodukte en wol.[31] Die meeste stapelvoedsels in hul dieet het bestaan uit suiwelprodukte.[31]

Kamele het veral verskeie kulturele en praktiese gebruike gehad. Hulle was die hoofbron van voedsel en die belangrikste vervoermiddel.[32] Kameelrenne is tydens feeste soos huwelike en godsdiensgeleenthede gehou.[33]

Mondelinge digkuns was die gewildste kunsvorm onder die Bedoeïene. Benewens ’n vorm van vermaak was dit ’n manier van inligtingsoordrag en sosiale beheer.[34]

Gemeenskap[wysig | wysig bron]

’n Algemene Bedoeïense spreukwoord lui: "Ek teen my broers; ek en my broers teen my neefs; dan ek en my neefs teen vreemdelinge." Dit dui op die hiërargie van lojaliteit wat op verwantskap gegrond is. Binne dié raamwerk word dispute opgelos, belange nagejaag, en wet en orde gehandhaaf.

Die gesinseenheid (bekend as ’n tent of gio) het tradisioneel bestaan uit drie of vier volwassenes (’n getroude paar plus sibbes of ouers) en ’n aantal kinders. As hulpbronne volop was, het ’n paar tente saamgereis as ’n goum.

Die volgende skaal van groepvorming was die ibn ʿamm (afstammelingegroep), wat uit drie tot vyf generasies bestaan het. Die grootste groepvorming was die stam of clan as ’n geheel, wat gelei is deur ’n sjeik. Daar kon langdurige onmin tussen verskillende clans geheers het.

Daar was tradisioneel streng erekodes, en regstelsels was geskoei op dié kodes.

In die 20ste eeu[wysig | wysig bron]

In die 1950's en 1960's het talle Bedoeïene in Midde- en Wes-Asië begin om die tradisionele nomadiese leefstyl te verruil vir die stadslewe, veral namate die bevolking gegroei en hul tradisionele gebiede kleiner geword het.[35][36] Regeringsbeleide in Egipte, Israel, Jordanië, Irak, Tunisië, die Arabiese state en Libië,[37] sowel ’n behoefte aan beter lewenstandaarde, het ook daartoe gelei dat die meeste Bedoeïene burgers van ’n land geword het, eerder as om rond te swerf.

Regerings het druk op die Bedoeïene geplaas om hulle op een plek te vestig deur middel van dienste (skole, gesondheidsorg en wetstoepassing), en in ander gevalle was daar die behoefte om land in te palm waar Bedoeïene rondgeswerf en beheer uitgeoefen het.

Verwysings[wysig | wysig bron]

  1. (en) Elizabeth Losleben (2003). The Bedouin of the Middle East. Lerner Publications. pp. 4–5. ISBN 978-0-8225-0663-8. Besoek op 1 November 2012. 
  2. http://www.joshuaproject.net/countries.php?rog3=SU
  3. http://www.algeria-watch.org/fr/article/eco/soc/dernier_recensement.htm
  4. http://www.joshuaproject.net/countries.php?rog3=AG
  5. http://www.joshuaproject.net/peoples.php?peo3=10758
  6. 6,0 6,1 6,2 http://www.jpost.com/Middle-East/Saudi-Arabia-to-aid-Jordan-with-Syrian-refugees
  7. http://www.joshuaproject.net/people-profile.php?peo3=14752&rog3=LY
  8. http://www.joshuaproject.net/people-profile.php?peo3=14951&rog3=LY
  9. http://www.joshuaproject.net/people-profile.php?peo3=14563&rog3=LY
  10. http://www.joshuaproject.net/people-profile.php?peo3=11261&rog3=LY
  11. http://www.joshuaproject.net/people-profile.php?peo3=11198&rog3=LY
  12. http://www.joshuaproject.net/people-profile.php?peo3=13046&rog3=EG
  13. Bedouin Take On the Govt
  14. http://www.joshuaproject.net/people-profile.php?peo3=12046&rog3=AE
  15. http://www.joshuaproject.net/people-profile.php?peo3=10759&rog3=SY
  16. http://www.arabnews.com/news/460413
  17. http://www.joshuaproject.net/people-profile.php
  18. http://www.joshuaproject.net/countries.php?rog3=KU
  19. http://www.joshuaproject.net/people-profile.php?peo3=12345&rog3=TS
  20. http://www.joshuaproject.net/people-profile.php?peo3=11797&rog3=TS
  21. http://www.joshuaproject.net/people-profile.php?peo3=10395&rog3=TS
  22. http://www.joshuaproject.net/people-profile.php?peo3=15946&rog3=MO
  23. http://www.joshuaproject.net/people-profile.php?peo3=11889&rog3=MO
  24. Despite hardships, some Bedouins still feel obligation to serve Israel | JTA – Jewish & Israel News
  25. http://www.joshuaproject.net/people-profile.php?peo3=10799&rog3=MR
  26. http://www.joshuaproject.net/people-profile.php?peo3=13046&rog3=LE
  27. Israel plans to move West Bank Bedouin – The National
  28. http://www.joshuaproject.net/people-profile.php?peo3=10435&rog3=WI
  29. http://www.joshuaproject.net/people-profile.php?peo3=15199&rog3=WI
  30. 30,0 30,1 30,2 Libya deur Peter Malcolm, Elizabeth Losleben
  31. 31,0 31,1 Rapid lifestyle, diet and health changes among urban Bedouin Arabs of southern Israel”. Food and Agriculture Organization. URL besoek op 31 Julie 2015.
  32. The Camel From Tradition to Modern Times”. Unesco. URL besoek op 31 Julie 2015.
  33. The Camel From Tradition to Modern Times”. pp. 25 Unesco. URL besoek op 31 Julie 2015.
  34. Meisami, Julie Scott; Starkey, Paul. Encyclopedia of Arabic Literature. Routledge. p. 147. ISBN 978-0-415-57113-5. 
  35. Laura Etheredge, Syria, Lebanon and Jordan, bl. 12
  36. Marina Leybourne, Ronald Jaubert, Richard N. Tutwiler, Changes in Migration and Feeding Patterns Among Semi-nomadic pastoralists in Northern Syria
  37. The Bedouin of Cyrenaica: Studies in Personal and Corporate Power

Verdere leesstof[wysig | wysig bron]

Eksterne skakels[wysig | wysig bron]