Bespreking:Apollo 8

Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 51 van 2023 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

lunar orbit rendezvous

@Aliwal2012:, sien bogenoemde en my vertaling. Dit is beste hoe ek dit kan verduidelik. Groete! Oesjaar (kontak) 12:48, 31 Desember 2022 (UTC)

@Aliwal2012:, wat is Spinal disc herniation in Afrikaans? Sjoe! Groete! Oesjaar (kontak) 13:58, 31 Desember 2022 (UTC)

Ja, servikale skyfherniasie of spinale skyfherniasie is korrek.  Aliwal2012 15:45, 31 Desember 2022 (UTC)

Afstande

Ek raai dat "311.1 by 111.8 km wentelbaan", ens., beteken dat dat hulle sodanige hoogtes bo die oppervlak handhaaf. 'n Nota mag dit duideliker maak. 'n Artikel oor dosimeter mag ook help dat mens nie dink dit moet "dosismeter" word nie. JMK (kontak) 10:28, 13 Junie 2023 (UTC)

Wentelbane is elipties van aard en die twee afstande wys die apokintion en perikintion aan d.w.s. die verste en naaste punte van die wentelbaan aan die maan. Groete! Oesjaar (kontak) 19:43, 13 Junie 2023 (UTC)

Dankie, maar ek bedoel dat daardie afstande nie voldoende groot is vir die ellips om die maan te omspan nie. Dis m.a.w. nie die afstand na die maan se kern of swaartekragmiddelpunt nie. Die verwysingspunt is dus onduidelik. JMK (kontak) 15:53, 15 Junie 2023 (UTC)

Dit kom so uit die Engelse weergawe uit. Jy is welkom om met hulle daaroor te praat. Groete! Oesjaar (kontak) 16:08, 15 Junie 2023 (UTC)

JMK, soos ek dit verstaan, is dit nie 'n ellips nie, maar 'n apside, die afstand van die oppervlak af. ~ Burgert (kontak) 17:01, 19 Junie 2023 (UTC)

Dankie, nou weet ek ook! Groete! Oesjaar (kontak) 17:29, 19 Junie 2023 (UTC)

Vertalingsnota

@Oesjaar hoekom wil jy nie die vertalingsnota onder die "Notas" afdeling sit nie? Nie een van die ander plekke waar jy dit geplaas het maak vir my sin nie. Verduidelik asseblief vir my hoekom dit meer sin maak om dit in 'n ander afdeling te plaas. - Rooiratel (kontak) 16:31, 19 Junie 2023 (UTC)

Want ek is gatvol vir jou volgehoue kritiek teen my. Hoekom skryf jy nie 'n voorblad om jou besig te hou nie? Oesjaar (kontak) 16:37, 19 Junie 2023 (UTC)

Ek stem saam. Rooiratel bekommer hom oor goed wat niks met hom te doen het nie. Hy het 'n alewige eiertjie te lê oor waar ander mense hulle vertalingsnota sit nadat hulle ure en soms dae of weke bestee het om 'n artikel te vertaal. ~ Burgert (kontak) 16:51, 19 Junie 2023 (UTC)

@Oesjaar dis nie 'n kritiek teen jou nie. Ek wil maar net die bladsy verbeter, en dit maak vir my sin om 'n nota onder die "Notas" afdeling te sit. Ek verstaan nie die rede hoekom jy dit orals behalwe die "Notas" afdeling wil plaas nie. So dan vra ek vir 'n verduideliking van jou af, want miskien is daar wel 'n rede wat ek nie self aan kan dink nie. Maar jy het nog nie vir my 'n rede gegee nie.

@Burgert Behr dit het iets met my te doen. Dit is deel van Wikipedia en ek wil die inhoud op die bladsye rangskik in 'n manier wat sin maak. Wat doen dit nou aan die ure of dae wat jy aan jou vertaling gewerk het? Ek het niks van jou harde werk weggegooi nie. So wat is die probleem? Wat is so verkeerd daaraan om notas in die notas-afdeling te wil plaas? Veral as niemand vir my 'n rede wil gee om anders te doen nie. - Rooiratel (kontak) 20:03, 19 Junie 2023 (UTC)

My probleem is dat jy jou idees aan almal wil opdwing. ~ Burgert (kontak) 07:57, 20 Junie 2023 (UTC)

OK, so wat is jou idee? Verduidelik asseblief hoekom jy 'n vertalingsnota nie in die "Notas" afdeling wil plaas nie. - Rooiratel (kontak) 08:14, 20 Junie 2023 (UTC)

Volgens Wikipedia:Verifieerbaarheid is ander Wikipedias nie 'n bron nie, maar ons mag die vertaalnota bo-aan die verwysings of bronnelys plaas:

Ander Wikipedia-artikels, ook van anderstalige Wikipedias, geld nie as 'n betroubare bron nie. Indien 'n artikel vanaf 'n anderstalige Wikipedia vertaal word, mag dit wel genoem word bo-aan die verwysings of bronnelys, maar die oorspronklike bronne moet ook bygevoeg word.

Die huidige uitleg lyk vir my vreemd, met die teks tussen die boksies. – K175 (skil 'n appeltjie) 19:13, 24 November 2023 (UTC)

Vir my maak dit in elk geval nie sin om 'n vertalingsnota op die bladsy te sit nie. Want later gaan mense nog veranderings maak aan die artikel wat nie kom van 'n vertaling nie, of dit is vertaal van 'n ander wiki af. Dit maak meer sin om die vertalingsnota in elke wysiging se boodskap te sit; want daai spesifieke wysiging is wel 'n vertaling, maar nie die hele bladsy nie. - Rooiratel (kontak) 07:28, 27 November 2023 (UTC)

Maan-omwentelaar

@Pynappel:, sien die rooi in die afdeling Maan-omwentelaar in die ruimtekas. Groete! Oesjaar (kontak) 10:18, 11 Februarie 2024 (UTC)