Borselgras

in Wikipedia, die vrye ensiklopedie
Jump to navigation Jump to search

Borselgras
Wetenskaplike klassifikasie
Koninkryk:
(klade):
(klade):
(klade):
Orde:
Familie:
Genus:
Rendlia
Spesie:
Rendlia altera

(Rendle) Chiov.
Sinonieme
  • Enteropogon muticus Hack.,
  • Microchloa altera (Rendle) Stapf var. nelsonii Stapf,
  • Rendlia nelsonii (Stapf) Chiov.

Die borselgras[1] (Rendlia altera (Rendle) Chiov.) is 'n grasspesie wat inheems aan Suid-Afrika is en wat volop in die berggrasland van die Drakensberge voorkom. Op die SANBI-rooilys is dit as veilig gelys. Dit kom ook buite Suid-Afrika voor.[2]

Dit is 'n meerjarige grasspesie wat groot matte kan vorm. In die suide van die Demokratiese Republiek van die Kongo, waar reeds sedert die 14de eeu koper gemyn word, word hierdie gras op grond aangetref wat aansienlik met metale besoedel is. P.A. Duvigneaud het selfs die spesie as 'n koperliewende spesie Rendlia cupricola beskryf. Sandgronde aan die oewer van 'n rivier wat deur die Likasi-myn besoedel word het hoë koper- (1,1%) en kobaltgehaltes (0,13%). Hier is R. altera die enigste plant wat die grond koloniseer.[3]

Verwysings[wysig | wysig bron]

  1. ook: Kleinrolblaar, Kleinrolblaargras, Mahemskuif, Mahemskuifgras
  2. SANBI-rooilys.
  3. Early stages of natural revegetation of metalliferous mine workings in South Central Africa: a preliminary survey Béatrice Leteinturier, Alan JM. Baker, François Malaisse Biotechnol. Agron. Soc. Environ. 1999,3(1), 28–41