Broederstroom

Broederstroom
Nedersetting
Broederstroom
Koördinate: 25°48′49″S 27°52′17″O
Land	Suid-Afrika
Provinsie	Noordwes
Distriksmunisipaliteit	Bojanala Platinum
Plaaslike Munisipaliteit	Madibeng
Tydsone	UTC+2 (SAST)
Poskode	0240
Skakelkodes	012

Broederstroom is 'n klein dorpie op die Daspoortrand aan die voetheuwels van die Magaliesberg in Noordwes, Suid-Afrika.

Die R512-streeksroete gaan deur die nedersetting.

Geskiedenis

'n Nedersetting in die Witwatersberg suid van die Hartbeespoortdam, in die voormalige Pretoriadistrik. Na bewering is dit vernoem na twee broers van generaal Andries Pretorius, naamlik Piet (H.P.N.) en Bart (Hercules Albertus) Pretorius, wat daar gewoon het; die naam is afgelei van Nederlandse broeder, 'broer'. Broederstroom is naby Pelindaba, wat twee kernreaktore huisves vir navorsings- en vredestydse doeleindes.

Kultuurdorpie

Dertien hutte deel 'n oppervlakte van twee hektaar. Dit is koepelagtige strukture, gemaak van 'n ligte houtraam met 'n laag van blare en takkies binne en buite omring deur 'n modderdop, en gedek met geweefde gras. Tussen die huise is grafte verstrooi. Die inwoners verbou graan, beeste, skape en bokke, en is die stigters van die vervaardiging van ysterimplemente en delikaat-versierde keramiekwerk.

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika, Eric Rosenthal, 1967