Hartbeespoort

Hartbeespoort
Damwal van die Hartbeespoortdam met die Magaliesberg in die agtergrond.
Hartbeespoort  Hartbeespoort se ligging in Noordwes
Koördinate: 25°44′39″S 27°53′58″O
Land	Suid-Afrika
Provinsie	Noordwes
Distrik	Bojanala Platinum
Munisipaliteit	Madibeng
Oppervlak
• Totaal	125,89 km2 (48,61 vk. myl)
Bevolking  (2011)
• Totaal	22 374
• Digtheid	178/km2 (460/vk. myl)
Rasverdeling (2011)
• Wit mense	59.4%
• Indiërs/Asiërs	0.7%
• Bruin mense	1.1%
• Swart mense	38.2%
• Ander	0.5%
Taal (2011)
• Afrikaans	46.5%
• Engels	19.3%
• Tswana	7.3%
• Tsonga	6.2%
• Ander	20.7
Poskode (strate)	0216
Skakelkode	012

Hartbeespoort (ook bekend as Harties) is 'n dorp in die Noordwesprovinsie van Suid-Afrika, geleë tussen die Magaliesberg en die oewers van Hartbeespoortdam. Die dorp se naam verwys na rooihartbeeste wat vroeër deur die omgewing se natuurlike poort gehardloop het.

Hartbeespoort is deel van die Madibeng Plaaslike Munisipaliteit, wat ook die nabygeleë dorp Brits insluit.

Die oudste uitbreiding van die dorp is Schoemansville, vernoem na Generaal Hendrik Schoeman van die Zuid-Afrikaansche Republiek.

Toerisme

Die dorp bestaan hoofsaaklik uit vakansiehuise om die dam omdat dit gewild is by besoekers van die nabygeleë Gautengprovinsie. Die "Om-die-dam" ultramarathon van 50 km word jaarliks hier gehou gedurende die eerste helfte van die jaar.

Uitvloeikanaal onder die damwal.

Van die hooftoeristeaantreklikhede in en om die dorp sluit in:

• Die Hartbeespoortdamwal en -tonnel
• Die Hartbeespoortdamslangpark
• Die Hartbeespoortdamakwarium
• Die Lesedi kultuurdorpie
• Hartieskabelkar (die langste enkelkabelspoor in Afrika)
• Die Transvaal Seiljagklub

Sien ook

• Hartbeespoortdam
• Lys van dorpe in Suid-Afrika

Eksterne skakels

• Hartbeespoort se plaaslike aanlyn gemeenskapskoerant
• Bemarkingswerf vir die Hartbeespoortdam-area Geargiveer 29 September 2007 op Wayback Machine
• Die "Om die Dam"-ultramarathon Geargiveer 26 Oktober 2008 op Wayback Machine