Camilla, koningin-gemalin van die Verenigde Koninkryk

Camilla
	Koningin-gemalin van die Verenigde Koninkryk en ander lede van die Statebond
	; Camilla in 2018.
Geboortenaam	Camilla Rosemary Shand
Gebore	17 Julie 1947 (75 jaar oud) ; Londen, Engeland
Eggenotes	Andrew Parker Bowles (geskei); Charles, Prins van Wallis;
Kinders	Tom Parker Bowles; Laura Lopes;
Vader	Bruce Shand
Moeder	Rosalind Cubitt
Handtekening

Camilla LG GCVOf CSM PC (gebore as Camilla Rosemary Shand, later Parker Bowles; 17 Julie 1947) is koningin-gemalin (ook genoem koningin-gemaal) van die Verenigde Koninkryk en 14 ander lande van die Statebond as die vrou van koning Charles III.

Camilla het in Oos-Sussex en Suid-Kensington in Engeland grootgeword en het haar opvoeding in Engeland, Switserland en Frankryk ontvang. Sy het in 1973 met die Britse weermagoffisier Andrew Parker Bowles getrou en hulle het twee kinders gehad. Hulle is in 1995 geskei. Camilla was nou en dan romanties by prins Charles betrokke voor en tydens elk van hulle se eerste huwelik. Hulle verhouding het baie aandag in die internasionale pers ontvang. In 2005 het Camilla met prins Charles getrou in die Windsor Guildhall, en dit is gevolg deur 'n Anglikaanse kerkdiens in die St. George-kapel in Windsor-kasteel.

As die voormalige Hertogin van Cornwall het Camilla openbare verpligtinge nagekom, dikwels saam met haar man. Sy is ook die beskermpersoon, president of lid van verskeie welsyn- en ander organisasies. Sedert 1994 het Camilla 'n veldtog gevoer om mense bewus te maak van osteoporose, en daarvoor het sy verskeie pryse gewen. Sy het ook al bewustheid geskep vir sake soos verkragting, seksuele misbruik, geletterdheid, dierewelsyn en armoede.^[1]^[2]

Verwysings[wysig | wysig bron]

↑ Johnston, Morgan (19 November 2012). "Camilla: the woman behind the image". New Zealand Woman's Weekly. Geargiveer vanaf die oorspronklike op 24 September 2015. Besoek op 7 Augustus 2015.
↑ "Camilla: The relaxed and friendly face of the monarchy". Belfast Telegraph. 28 Maart 2015. Geargiveer vanaf die oorspronklike op 31 Julie 2020. Besoek op 7 Augustus 2015.

Skakels[wysig | wysig bron]

Wikimedia Commons het meer media in die kategorie Camilla, koningin-gemalin van die Verenigde Koninkryk.

Hierdie artikel is in sy geheel of gedeeltelik uit die Engelse Wikipedia vertaal.

[1] Johnston, Morgan (19 November 2012). "Camilla: the woman behind the image". New Zealand Woman's Weekly. Geargiveer vanaf die oorspronklike op 24 September 2015. Besoek op 7 Augustus 2015.

[2] "Camilla: The relaxed and friendly face of the monarchy". Belfast Telegraph. 28 Maart 2015. Geargiveer vanaf die oorspronklike op 31 Julie 2020. Besoek op 7 Augustus 2015.

[1]

[2]