Eltham-paleis

in Wikipedia, die vrye ensiklopedie
Eltham-paleis vandag.

Eltham-paleis (Engels: Eltham Palace) is ’n groot huis in die Eltham-distrik in Greenwich, Suidoos-Londen. Dit is ’n onbewoonde koninklike woning wat aan die staat behoort. Dit is in 1999 aan die publiek oopgestel nadat dit gerestoureer is.[1]

Die oorspronklike paleis is in 1305 aan koning Eduard II geskenk en is van die 14de tot die 16de eeu as ’n koninklike blyplek gebruik. In die 1470's het koning Eduard IV die Groot Saal laat bou.

Die huidige huis is in die 1930's op die plek van die ou huis gebou. Die Groot Saal het behoue gebly en stukke muur van ander geboue is steeds in die tuin te sien, asook ’n 15de-eeuse brug oor die grag. In 1933 het Stephen Courtauld en sy vrou, Virginia, die paleis gehuur en die Groot Saal herstel. Hulle het tot in 1944 daar gewoon. In September 1940, tydens die Tweede Wêreldoorlog, is die dak van die saal erg beskadig.

In 1995 is omvattende herstelwerk aan die huis en tuin gedoen. Dit word nou uitverhuur vir troues en ander onthale.

Verwysings[wysig | wysig bron]

  1. "Unoccupied Royal Residences" (in Engels). The Royal Household. Geargiveer vanaf die oorspronklike op 6 Januarie 2018. Besoek op 3 Januarie 2012.

Eksterne skakels[wysig | wysig bron]

Koördinate: 51°26′50″N 0°2′53″W / 51.44722°N 0.04806°W / 51.44722; -0.04806