Geoff Doidge

in Wikipedia, die vrye ensiklopedie
Spring na: navigasie, soek
Geoffrey Quinton Michael Doidge

Suid-Afrika se ambassadeur in Sri Lanka
Ampsbekleër
Ampsaanvaarding
2010

Minister van Openbare werke
Ampstermyn
5 September 2008 – 31 Oktober 2010
President Kgalema Motlanthe
Voorafgegaan deur Thoko Didiza
Opgevolg deur Gwen Mahlangu-Nkabinde
Ampstermyn
5 September 2008 – 31 Oktober 2010

Persoonlike besonderhede
Gebore 26 April 1954
Kaapstad

Geoff Doidge, 'n Suid-Afrikaanse politikus en eertydse voertuigverkoopsbestuurder, is sedert 2010 Suid-Afrika se ambassadeur in Sri Lanka. Hy is op 25 September 2008 deur die voormalige president, Kgalema Motlanthe, aangestel as minister van openbare werke, wat hy tot 31 Oktober 2010 was.

Doidge is op 26 April 1954 in die Oos-Kaap gebore. Hy matrikuleer aan die Senior Sekondêre Skool Mount Currie in 1972, waarna hy van 1973 tot 1978 as verkoopsman werk. Van toe tot 1991 is hy besturende direkteur van 'n onderdeleonderneming op Kokstad. Hy dien van 1991 tot 1992 as bestuurder van Keval Motors en daarna tot 1994 as verkoopsbestuurder van Johnstone Delta.

Op buitemuurse gebied was hy voorsitter van die Griekwaland-Oos-sportvereniging (1970 - 1972), voorsitter van dieselfde unie se voetbalvereniging (1972 - 1975), voorsitter van onder meer die Griekwaland-Oos-Kei-ontwikkelingsforum (1992 - 1993), voorsitter van Grens-Kei-ontwikkelingsforum (1994 - tans), voorsitter van die St. Patrick's pastorale raad (1990 - 1993), voorsitter van die Senior Sekondêre Skool Mount Currie (1988, 1994), voorsitter van forums op Kokstad vir behuising, ontwikkeling en dienste (1992 - 1994), voorsitter van die A.N.C.-tak op Kokstad en hoof van die lessenaar vir plaaslike regering.

Doidge dien reeds sedert 1994 as A.N.C.-parlementslid en word in Junie van daardie jaar 'n sweep. Hy was lid van die portefeuljekomitee vir grondsake en die staande komitee op openbare rekeninge (Skoor).

Bronne[wysig]