Nathi Mthethwa
| Nathi Mthethwa | |
_(cropped).jpg) Nathi Mthethwa in 2018 | |
Suid-Afrikaanse ambassadeur in Frankryk
| |
| Ampstermyn 29 Februarie 2024 – 29 September 2025 † | |
| President | Cyril Ramaphosa |
|---|---|
Minister van Sport, Kuns & Kultuur
| |
| Ampstermyn 30 Mei 2019 – 5 Maart 2023 | |
| President | Cyril Ramaphosa |
| Voorafgegaan deur | Thembelani Nxesi (Sport) |
Minister van Kuns en Kultuur
| |
| Ampstermyn 25 Mei 2014 – 30 Mei 2019 | |
| President | J Zuma/C. Ramaphosa |
| Voorafgegaan deur | Paul Mashatile |
| Opgevolg deur | pos saamgesmelt met Sport |
Minister van Polisie
| |
| Ampstermyn 10 Mei 2009 – 25 Mei 2014 | |
| President | Jacob Zuma |
| Opgevolg deur | Nkosinathi Nhleko |
Minister van Veiligheid en Sekuriteit
| |
| Ampstermyn 25 September 2008 – 10 Mei 2009 | |
| President | Kgalema Motlanthe |
| Voorafgegaan deur | Charles Nqakula |
| Opgevolg deur | pos hernoem |
Persoonlike besonderhede
| |
| Gebore | Emmanuel Nkosinathi Mthethwa 23 Januarie 1967 |
| Sterf | 29 September 2025 (op 58) Hotel Hyatt in Frankryk |
| Politieke party | African National Congress |
Emmanuel Nkosinathi "Nathi" Mthethwa (23 Januarie 1967 – 29 September 2025) was 'n lid van die Nasionale Vergadering van Suid-Afrika en senior lid van die African National Congress (ANC). Hy het verskeie kabinetsposte oor sy loopbaan beklee; die laaste een was as minister van sport, kuns en kultuur vanaf 2019 tot 2023.
Mthethwa het van 2024 tot sy dood in 2025 as Suid-Afrikaanse ambassadeur in Frankryk gedien het. Hy het die ANC in die Nasionale Vergadering van Suid-Afrika tussen 2002 en 2023 verteenwoordig, en hy was 'n kabinetsminister tussen September 2008 en Maart 2023.
Mthethwa is gebore in KwaZulu-Natal, prominent geword in die ANC-jeugliga en het in 2002 by die Nasionale Vergadering aangesluit. By die ANC se 52ste Nasionale Konferensie in Desember 2007 is hy verkies tot die ANC se Nasionale Uitvoerende Komitee en Nasionale Werkkomitee, waarin hy ononderbroke gedien het tot Desember 2022. In die nasleep van die 52ste Nasionale Konferensie, in Januarie 2008, het die ANC hom as Hoofsweep van die Meerderheidsparty in die Nasionale Vergadering aangestel. Hy het daardie pos beklee totdat hy in September 2008 in die kabinet opgeneem is.
Hy is deur destydse president Kgalema Motlanthe aangestel as Minister van Veiligheid en Sekuriteit, en hy het in dieselfde amp, later hernoem tot Minister van Polisie, in die eerste kabinet van President Jacob Zuma voortgedien. Gedurende sy ampstermyn in die polisieportefeulje van 2008 tot 2014, het Mthethwa se ministerie 'n omstrede rol gespeel in die Marikana-slagting en "Nkandlagate"-kontroversie.[1] Hy het in Mei 2014 Minister van Kuns en Kultuur en in Mei 2019 Minister van Sport, Kuns en Kultuur geword, maar hy het die ANC se Nasionale Uitvoerende Komitee by die party se 55ste Nasionale Konferensie in Desember 2022 laat vaar en President Cyril Ramaphosa het hom in Maart 2023 uit die kabinet afgedank.[2] Hy het 'n week later ook uit die Nasionale Vergadering bedank.[3]
Ambassadeur in Frankryk: 2024–2025
[wysig | wysig bron]In Julie 2023 het News24 berig dat president Ramaphosa aan Mthethwa 'n diplomatieke pos sou aanbied.[4] Hy het sy geloofsbriewe as Suid-Afrikaanse ambassadeur in Frankryk op 29 Februarie 2024 oorhandig.[5] In hierdie hoedanigheid was hy ook Suid-Afrika se permanente afgevaardigde by UNESCO in Parys tot sy dood in 2025.[6]
Persoonlike lewe en dood
[wysig | wysig bron]Mthethwa was getroud met Philisiwe Buthelezi, 'n sakevrou en die hoof- uitvoerende beampte van die Nasionale Bemagtigingsfonds. Hulle het mekaar in 2009 by 'n ANC-konferensie ontmoet en op 16 Februarie 2013 in 'n Franse-tema-troue in Franschhoek getrou.[7]
Op 30 September 2025 is hy dood aangetref nadat hy van die 22ste verdieping van die Hyatt Regency Paris Étoile-hotel geval het. Dit is later in die media bevestig dat hy waarskynlik sy eie lewe geneem het, omrede sy vrou die vorige dag teksboodskappe van Mthethwa se voorneme van hom ontvang het. Mthethwa was 58 met sy dood.[8][9][10][11]
Verwysings
[wysig | wysig bron]- ↑ Bruce, David (13 November 2014). "Marikana: The case against Mthethwa". The Mail & Guardian (in Engels). Besoek op 3 Januarie 2025.
- ↑ O’Regan, Victoria (6 Maart 2023). "Nathi Mthethwa exits as Zizi Kodwa takes sport, arts and culture portfolio". Daily Maverick (in Engels). Besoek op 3 Januarie 2025.
- ↑ "Nathi Mthethwa also quits as MP after Cyril Ramaphosa fires him from cabinet". Business Day (in Engels). 15 Maart 2023. Geargiveer vanaf die oorspronklike op 16 Maart 2023. Besoek op 3 Januarie 2025.
- ↑ Maliti, Soyiso (21 Julie 2023). "He's known for Marikana and that flagpole. Now Nathi Mthethwa heads for the City of Love". News24 (in Engels (VSA)). Besoek op 3 Januarie 2025.
- ↑ "Remise de lettre de créance". Légifrance (in Frans). 29 Februarie 2024. Besoek op 3 Januarie 2025.
- ↑ Kotze, A. (17 Januarie 2024). "The Ambassador of the Republic of South Africa South Africa to France and Permanent Delegate to UNESCO presented his credentials to the Director-General of UNESCO". South African Embassy Paris, France (in Engels (VSA)). Besoek op 3 Januarie 2025.
- ↑ Mbele, Gabi (17 Februarie 2013). "Minister of police nabs top CEO". Sunday Times. Besoek op 3 Januarie 2025.
- ↑ "South Africa's ambassador to France found dead in Paris - Le Parisien". Reuters (in Engels). 30 September 2025. Besoek op 30 September 2025.
- ↑ Piquet, Caroline; Décugis, Jean-Michel; de Saint Sauveur, Charles (30 September 2025). "L'ambassadeur d'Afrique du Sud en France retrouvé mort au pied d'un hôtel parisien". Le Parisien (in Frans). Besoek op 30 September 2025.
- ↑ Kelly, Kieran (30 September 2025). "South African ambassador falls to death from Paris hotel room". The Telegraph. ISSN 0307-1235. Besoek op 30 September 2025.
- ↑ "SA ambassador to France Nathi Mthethwa dies - eNCA". www.enca.com (in Engels). 30 September 2025. Besoek op 30 September 2025.