Makhenkesi Stofile

in Wikipedia, die vrye ensiklopedie
Spring na: navigasie, soek
Makhenkesi Stofile

Ambassadeur in Duitsland
Ampstermyn
1 Junie 2011 – 15 Augustus 2016

Minister van Sport en Ontspanning
Ampstermyn
29 April 2004 – 31 Oktober 2010
Voorafgegaan deur Ngconde Balfour
Opgevolg deur Fikile Mbalula

Premier van die Oos-Kaap
Ampstermyn
4 Februarie 1997 – 26 April 2004
Voorafgegaan deur Raymond Mhlaba
Opgevolg deur Nosimo Balindlela

Persoonlike besonderhede
Geboorte (1944-12-27)27 Desember 1944
Adelaide, Kaapprovinsie
Sterfte 15 Augustus 2016 (op 71)
Alice, Oos-Kaap
Politieke party African National Congress

Makhenkesi Arnold Stofile (27 Desember 194415 Augustus 2016) was 'n Suid-Afrikaanse politikus. Hy was die Minister van Sport en Ontspanning van 2004 tot 2010.[1][2] Ten tye van sy dood was hy 'n ambassadeur in Duitsland.[3]

Stofile is in Adelaide in die Oos-Kaap gebore.[4] Hy het vir 'n meestersgraad in teologie aan die Universiteit van Fort Hare studeer. In 1983 het hy 'n MA van die Princeton-universiteit verwerf.

Stofile het in 1963 by die African National Congress aangesluit. Hy is deur die destydse Ciskeise regering vir die herberg van terroriste aangekla en is drie jaar tronkstraf opgelê.

Hy was ook 'n geordende predikant van die Verenigende Presbiteriaanse Kerk in Suider-Afrika.

Stofile was nie net 'n politikus en kerkmens nie, maar ook 'n sportman in eie reg. Hy het op skrumskakel en vleuel vir die Grens uitgedraf. Hy het ook nie-rassige sport bepleit. In 1984 is hy na Nieu-Seeland, waar hy 'n suksesvolle veldtog teen die All Blacks se beplande toer na Suid-Afrika gevoer het.

Ná die verkiesing van 1994 was Stofile die ANC se hoofsweep in die parlement. Hy het die posisie tot sy aanstelling as premier van die Oos-Kaap in 1997 beklee.

In 2009 was hy erg teen die geslagstoetse van die atleet Caster Semenya gekant en het hy met 'n "derde wêreldoorlog" gedreig. Die toetse het bevind dat sy 'n hermafrodiet is.[5]

Hy sterf op 15 Augustus 2016 in die ouderdom van 71 by sy huis in Alice, Oos-Kaap.[6]

Verwysings[wysig | wysig bron]

  1. Info
  2. http://www.iol.co.za/sport/sascoc-welcome-mbalula-s-appointment-1.690854
  3. http://www.suedafrika.org/en/news-archive/newsarchive-details/datum////accreditation-of-ambassador-reverend-dr-makhenkesi-arnold-stofile.html
  4. Arnold Stofile
  5. Wheeler, Virginia; Harry Haydon (10 September 2009). "'We'll go to war over Caster'". The Sun. Verkry op 2009-09-11. And today the country's sports minister Makhenkesi Stofile said: "I think it would be the third world war. We will go to the highest levels in contesting such a decision. 
  6. http://www.news24.com/SouthAfrica/News/former-sports-minister-stofile- sterf-20160815
Voorafgegaan deur:
Raymond Mhlaba
Premier van die Oos-Kaap
1997–2004
Opgevolg deur:
Nosimo Balindlela
Voorafgegaan deur:
Ngconde Balfour
Minister van Sport en Ontspanning
2004–2010
Opgevolg deur:
Fikile Mbalula