Collins Chabane
| Collins Chabane | |
Minister van staatsdiens en administrasie
| |
| Ampstermyn 26 Mei 2014 – 15 Maart 2015 | |
| President | Jacob Zuma |
|---|---|
| Voorafgegaan deur | Lindiwe Sisulu |
| Opgevolg deur | Nathi Mthethwa (interim) |
Sekretaris-generaal van die ANC
| |
| Ampstermyn 1997 – 1999 | |
Persoonlike besonderhede
| |
| Gebore | 15 April 1960 Limpopo, Transvaal |
| Sterf | 15 Maart 2015 (op 54) Polokwane, Suid-Afrika |
| Nasionaliteit | Suid-Afrikaner |
| Politieke party | African National Congress |
Collins Chabane (15 April 1960 – 15 Maart 2015) was 'n Suid-Afrikaanse Umkhonto we Sizwe-vegter, politikus, minister van staatsdiens en administrasie, asook 'n lid van die African National Congress se nasionale uitvoerende komitee.
Chabane het op 17-jarige ouderdom in vrywillige ballingskap getree om by die ANC se ondergrondse militêre vleuel, Umkhonto we Sizwe (MK), aan te sluit. Hy is in 1980 na Angola vir militêre opleiding en het in 1981 met sy ondergrondse bedrywighede begin. In 1984 is hy deur die veiligheidspolisie gearresteer en is eers in 1990 vrygelaat.[1]
Na sy vrylating is Chabane in 1994 tot die parlement verkies, waar hy op komitees vir grondwetlike sake, verdediging en intelligensie gedien het. In 1997 is hy as 'n LUR in Ngoako Ramatlhodi se provinsiale kabinet vir Limpopo aangestel. In 1998 is hy na openbare werke verplaas, waar hy dié provinsie se padagentskap op die been gebring het. Tydens die eerste termyn van Jacob Zuma se presidentskap is hy as minister in die presidensie aangestel.
Chabane is in die vroeë oggendure van 15 Maart 2015 in 'n motorongeluk oorlede. 'n Vragmotor het 'n U-draai voor sy motor op die N1-nasionale pad buite Polokwane gemaak. Hy en sy lyfwagte is op slag dood.[2][3]
Verwysings
[wysig | wysig bron]- ↑ "Ohm Collins Chabane - South African History Online". sahistory.org.za (in Engels). Geargiveer vanaf die oorspronklike op 24 September 2019. Besoek op 15 Maart 2015.
- ↑ Sapa. "Minister Collins Chabane killed in Limpopo car accident". The M&G Online (in Engels). Geargiveer vanaf die oorspronklike op 17 April 2019. Besoek op 15 Maart 2015.
- ↑ "Collins Chabane dies in car crash". News24 (in Engels). Geargiveer vanaf die oorspronklike op 9 Oktober 2019. Besoek op 15 Maart 2015.
Eksterne skakels
[wysig | wysig bron]- Collins Chabane op People's Assembly