Hernando de Soto

in Wikipedia, die vrye ensiklopedie
Hernando de Soto
Gebore
Hernán Cortés de Monroy y Pizarro

27 Oktober, ca. 1500[1]
Jerez de los Caballeros, Badajoz, Extremadura, Spanje
Sterf21 Mei 1542
Nasionaliteit Kastilië
BeroepOntdekker en conquistador
EggenootIsabel De Rupodio
Handtekening
Kaart van Hernando de Soto se ontdekkingsreise

Hernando de Soto (circa 1500 - 21 Mei 1542) was 'n Spaanse ontdekkingsreisiger. Hy die Mississippirivier ontdek en was die eerste persoon wat die oostelike gedeelte van Amerika verken het. Hy is gebore in die Estramadura provinsie van Spanje en het gestudeer aan die Universiteit van Salamanca.

Op negentienjarige ouderdom seil hy na Panama as die protégé van die land se goewerneur: Pedrarias Dávila. Hy sukkel vir die volgende elf jaar om die plaaslike Indiane te onderwerp en om ander nasies uit die ismus Panama te hou. In 1530 koop hy 'n kapteinskap in die ekspedisie van Francisco Pizarro teen die Inka in Peru. Hy word die eerste blanke persoon wat die Inka se keiser: Atahualpa ontmoet. Hy was een van die min lede van die ekspedisie wat teen die moord van Atahualpa was. Die res van die ekspedisie vermoor Atahualpa toe de Sotho nie daar was nie. Na struwelinge tussen Pizarro en sy lede verlaat de Sotho Peru.

Hy was nou 36 jaar oud en seil terug na Spanje. Hy neem 100,000 goue munte (Ducats) saam met hom. In Spanje word hy vereer en kry Isabella de Bobadillo, die dogter van Pedrarias, as vrou. Deur hierdie huwelik word hy die swaer van Vasco Núñez de Balboa, ontdekker van die Stille Oseaan.

In 1537 stel Keiser Karel V vir de Sotho aan as goewerneur van Florida, 'n area wat gegrens het aan Texas, die skiereiland en noordwaarts tot by die Atlantiese kus. Hy vertrek op 6 November 1538 met sy vloot uit Spanje. Hy gebruik Kuba as sy basis vir sy ekspedisies en laat sy vrou daar agter. Hy gaan aan land in Florida op 30 Mei, 1539. Sy roete hierna volg min of meer die kus van Tampabaai tot by Tallahassee. Hier draai hy noordoos tot by die Savannahrivier wat hy volg deur die Blue Ridge landskap tot by die Alabamarivier in Mobilebaai. Hy draai nou noordwes na Memphis en ontdek die Mississippirivier op 8 Mei 1541. Hierna gaan hy weer wes na Arkansas net bo die Canadianrivier en gaan dan terug na die Mississippi. Hy sterf op 21 Mei 1542 hier.

Bron[wysig | wysig bron]

  • Collier's Encyclopedia Crowell-Collier Educational Corporation. Volume-8 bladsy 144.

Verwysings[wysig | wysig bron]

  1. (en) Leon, P., 1998, The Discovery and Conquest of Peru, Chronicles of the New World Encounter, edited and translated by Cook and Cook, Durham: Duke University Press, ISBN 9780822321460
  2. (en) http://www.history.com/this-day-in-history/de-soto-dies-in-the-american-wilderness
  3. (en) http://www.biography.com/people/hernando-de-soto-38469#exploring-north-america

Eksterne skakels[wysig | wysig bron]