Herbert Hoover

in Wikipedia, die vrye ensiklopedie
Herbert Clark Hoover
31ste President van die Verenigde State
Ampstermyn 4 Maart 19294 Maart 1933
Voorganger Calvin Coolidge
Opvolger Franklin D. Roosevelt
Geboortedatum 10 Augustus 1874
Geboorteplek West Branch, Iowa
Sterftedatum 20 Oktober 1964
Sterfteplek New York, New York
Eerste Dame Lou Henry Hoover
Politieke party Republikein
Visepresident Charles Curtis
Handtekening

Herbert Clark Hoover (* 10 Augustus 1874, † 20 Oktober 1964) was die 31ste President van die Verenigde State (1929–1933). Hoover, wat in 'n Kwakergesin gebore is, het 'n opleiding as mynbouingenieur gevolg. Hoover het tydens die Eerste Wêreldoorlog internasionale bekendheid verwerf met die hulp wat hy aan die bevolking van die oorloggeteisterde België verleen het. Voor en gedurende die oorlog het Hoover as hoof van die Verenigde State se Food Administration gedien.

In die 1920's het Hoover as minister van handel onder die presidente Warren G. Harding en Calvin Coolidge strategiese vennootskappe tussen die regering en ondernemings onder die rubriek "ekonomiese modernisering" bevorder. In die presidentsverkiesing van 1928 het hy die nominasie as kandidaat van die Republikeinse Party maklik gewen ofskoon hy nie oor enige politieke ervaring beskik het nie. Hoover is tot dusver die laaste Amerikaanse minister wat as President van die Verenigde State verkies is, en naas William Howard Taft een van slegs twee presidente wat tot dié amp verkies is sonder dat hulle vooraf enige politieke pos of militêre rang beklee het.