Julie Christie

in Wikipedia, die vrye ensiklopedie
Jump to navigation Jump to search
Julie Christie
'n Beeld van die betrokke persoonlikheid.
Christie in Doctor Zhivago (1965).

Geboortenaam Julie Frances Christie
Geboorte 14 April 1941 (1941-04-14) (78 jaar oud)
Aktiewe jare 1957-tans

Julie Frances Christie (gebore op 14 April 1941) is ’n Britse aktrise met ’n loopbaan wat oor byna ses dekades strek. Sy was ’n popikoon van die 1960's en het ’n Oscar, Golden Globe, Bafta en Screen Actors Guild Award gewen.

Christie se deurbraak was in Billy Liar (1963). In 1966 het sy ’n Oscar vir beste aktrise gewen vir Darling (1965). In dieselfde jaar was sy Lara in Doctor Zhivago. Daarna was sy te sien in onder meer Fahrenheit 451 (1966), Far from the Madding Crowd (1967), Petulia (1968), The Go-Between (1971), McCabe & Mrs. Miller (1971), waarvoor sy haar tweede Oscar-benoeming gekry het, Don't Look Now (1973), Shampoo (1975) en Heaven Can Wait (1978).

Van die 1980's af was sy in minder prente, maar het steeds groot lof vir haar werk gekry, inlsuitende Oscar-benoemings vir die onafhanklike prente Afterglow (1997) en Away from Her (2006). In 1997 het sy ’n Bafta-fellow geword.