Kolgans

Kolgans
	'n Kolgans in die Krugerwildtuin
	Geluide opgeneem in 1974 in die Masai Mara Wildreservaat, Kenia
Bewaringstatus
	; Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Genus:	Alopochen
Spesie:	A. aegyptiaca
Binomiale naam
	Alopochen aegyptiaca; (Linnaeus, 1766)
	Verspreiding van die kolgans
Sinonieme
	Anas aegyptiaca Linnaeus, 1766

Die kolgans (Alopochen aegyptiacus) is 'n gans wat aan die familie van eendvoëls (Anatidae) behoort. Hierdie gans is die enigste oorlewende spesie van die genus Alopochen.

Identifikasie[wysig | wysig bron]

Hierdie gans, wat in sommige streke ook bekend staan as die berggans, is kleiner as die wildemakou (Plectropterus gambensis). Die kolgans kan maklik verwar word met die bergeend of kopereend, wat dieselfde kleur en grootte as die kolgans het, behalwe dat die kop van die kopereend wit of vaal is, terwyl die kolgans 'n bruin kop het.

Soos die naam aandui, het die kolgans 'n donker kol op sy bors wat 'n mens veral goed kan waarneem as die voël vlieg.

Broeigewoontes[wysig | wysig bron]

Hoewel hulle gewoonlik in pare voorkom, vorm kolganse soms groot swerms wat aansienlike skade op die boer se landerye kan aanrig.

Die nes is oop, en dit is met 'n bietjie dons uitgevoer, maar groot verskille is moontlik. Soms lê die nes tussen plante op die grond, maar dit kan ook in 'n kransspleet, hoog in 'n boom of in 'n ou hamerkopnes wees. Daar is baie gespekuleer oor die manier waarop die klein gansies uit hoë neste na die grond gebring word, maar onlangse waarneminge dui daarop dat hulle sommer uit die nes tot op die grond val.

Verspreiding[wysig | wysig bron]

Die voëls kom in Afrika suid van die Sahara voor en verder noord al langs die Nylrivier tot in Egipte. Kolganse is ook as uitheemse spesie na dele van Europa ingebring (veral Engeland en Nederland). Hulle kom wydverspreid in Suid-Afrika voor, behalwe in uiters droë gebiede of hoog bo seespieël.^[2]

Die jongste verspreidingskaart in Suid-Afrika, wat tans drie-uurliks opgedateer word, kan by hierdie skakel van SAVAP2 (die tweede Suider-Afrikaanse Voëlatlasprojek) gevind word: [1] Geargiveer 28 Januarie 2019 op Wayback Machine

Ander name[wysig | wysig bron]

Engels: Egyptian Goose
Wetenskaplike naam: Alopochen aegyptiacus
Zoeloe: iLongwe

Fotogalery[wysig | wysig bron]

Legsel
Kuiken in Durban
Broeipaar in Duitsland
Volwassene in Durban

Sien ook[wysig | wysig bron]

Verwysings[wysig | wysig bron]

↑ BirdLife International (2018). "Alopochen aegyptiaca". IUCN Red List of Threatened Species. 2018: e.T22679993A131910647. doi:10.2305/IUCN.UK.2018-2.RLTS.T22679993A131910647.en. Besoek op 11 November 2021.
↑ Hockey PAR, Dean, WRJ, Ryan PG (eds), 2005, Roberts – Birds of Southern Africa, VII^th ed. The Trustees of the John Voelcker Bird Book Fund, Cape Town ISBN 0-620-34053-3

Bronnelys[wysig | wysig bron]

Kennis, vol 14, 1980, bl. 2898–2899, ISBN 0 7981 0836 3

Eksterne skakels[wysig | wysig bron]

Wikiwoordeboek het 'n inskrywing vir kolgans.

Wikimedia Commons het meer media in die kategorie Kolgans.

Wikispecies het meer inligting verwant aan Kolgans

[iucn_status_11_November_2021-1] BirdLife International (2018). "Alopochen aegyptiaca". IUCN Red List of Threatened Species. 2018: e.T22679993A131910647. doi:10.2305/IUCN.UK.2018-2.RLTS.T22679993A131910647.en. Besoek op 11 November 2021.

[2] Hockey PAR, Dean, WRJ, Ryan PG (eds), 2005, Roberts – Birds of Southern Africa, VII^th ed. The Trustees of the John Voelcker Bird Book Fund, Cape Town ISBN 0-620-34053-3

[1]

[2]