Nissan Caravan (E20)

in Wikipedia, die vrye ensiklopedie
Jump to navigation Jump to search
Nissan Caravan (E20)
Nissan Caravan E20 001.jpg
Oorsig
Ook genoem Datsun Urvan
Nissan Homy
Produksie 1973 – 1980 (oorsee)
Bakstyl 3-deurpaneelwa
4-deurpaneelwa
Spesifikasies
Enjin 1483 cc Nissan J15 I4 (SE20)
1982 cc Nissan H20 I4 (PE20)
2164 cc Nissan SD22 Dieselenjin I4
Asafstand 2350 mm of 2730 mm
'n Netjiese Nissan E20 taksie

Die Nissan Caravan/Urvan is 'n paneelwa en minibus wat vanaf Februarie 1973 deur Nissan vervaardig is met 3, 5, 7, en tot 10 sitplekke. Dit was eksklusief aan Japan se Nissan Bluebird Store, terwyl sy tweeling, die Nissan Homy, eksklusief was aan Nissan Prince Store.

Dit was veral gewild in Europa, en is selfs as brandweerwa en ambulans in sekere lande gebruik. Dit het 'n bietjie moeilik hanteer, was swaar om te stuur, en was nie beskikbaar met kragstuur nie. Die rathefboom was op die vloer geplaas, en het 80 cm hoog tot by die bestuurder se hand gestrek, so dit was 'n bietjie lomp te skuif. Die bussie was toegerus met vyf ratte, ongewoon vir daardie tydstip in Europa. Dit was beskikbaar met 'n 1.5 en 'n 2.0 liter-petrolenjin, sowel as 'n 2.2 liter dieselenjin. Dit is vervaardig totdat dit vervang is deur die E23 Caravan in die laatsomer van 1980.

Op die uitvoermark was die eerste en tweede geslag die Datsun Urvan genoem, totdat die Nissanmerk dit wêreldwyd vervang het in 1983 - 1984. Hierdie geslag model is reeds skaars en ly aan roesprobleme.