Nissan Navara

in Wikipedia, die vrye ensiklopedie
(Aangestuur vanaf Nissan Titan)
Nissan Navara

Nissan Navara D40
Oorsig
Vervaardiger Vlag van Japan Nissan
Ook genoem Nissan Frontier (Noord-Amerika)
Nissan NP300 (Meksiko, Europa)
Produksie 1997–huidig
Bakwerk en onderstel
Bakstyl enkel- of dubbelkajuitbakkie
Plek in geskiedenis
Voorganger Nissan Hardbody
Variante Nissan Xterra
Nissan Pathfinder (1997–2012)
Mercedes-Benz X-klas (2017–)

Nissan Navara is die naam vir die D22 en D40 geslagte van Nissanbakkies wat in Asië en Suid-Afrika verkoop word; in Noord-, Sentraal- en Suid-Amerika en die Filippyne word dit as die Nissan Frontier verkoop. Die model is in 1997 in Japan vrygestel deur die vervanging van die D21-Nissan Hardbody bakkie. Sedert 2002 word die D22-reeks bakkie nie meer in Japan verkoop nie; die D22 se primêre mark is Noord-Amerika. Dit word tans in Nissan se fabriek in Canton, Mississippi, in die VSA gebou.

Nissan was sedert 1986 die pionier van die "Hardbody" of "Nissan Frontier". Die eerste model was die D21, beskou as 'n klein bakkie. Na meer as 10 jaar met die D21, was die tweede geslag Navara ("Hardbody" in Suid-Afrika) vervaardig vanaf 1997 tot en met 2004, wat geklassifiseer was as 'n kompakte grootte bakkie. Dit is vervang deur die groter, hoër en langer D40, wat Nissan nou as 'n middelgrootte bakkie bemark.

Die Navara kry sy naam van Navarre in die noorde van Spanje, en die Europese weergawe word in die Nissanfabriek in Barcelona gebou. Dit word in baie Europese markte as die Nissan NP300 verkoop. Sedert November 2017 is die verwante Mercedes-Benz X-klas ook in Barcelona gebou, maar die model is in Mei 2020 gestaak.



Hierdie artikel is in sy geheel of gedeeltelik vanuit die Engelse Wikipedia vertaal.