Nissan Hardbody

Hierdie artikel poog om die Suid-Afrikaanse weergawe weer te gee. Modelname kan verskil vir dieselfde bakkie op oorsese markte.

Nissan Hardbody J24

Nissan Hardbody dubbelkajuit (soortgelyk aan J24-model in Suid-Afrika)
Oorsig
Vervaardiger	Nissan
Ook genoem	Nissan Frontier (Noord-Amerika) Nissan NP300 (Meksiko, Europa)
Produksie	1997–huidig
Bakwerk en onderstel
Bakstyl	Enkel- of dubbelkajuitbakkie
Plek in geskiedenis
Voorganger	Nissan Hardbody D21
Variante	Nissan Navara Nissan Pathfinder (1997–2012)

Die enkelkajuitbakkie (soortgelyk aan S.A. model)

Die Nissan Hardbody (oorsese Frontier) is in 1997 bekendgestel vir die 1998 modeljaar as 'n plaasvervanger vir die verouderde bakkie. Nissan se eerste Hardbody was toegerus met 'n 2.4 L inlynviersilinderenjin, die KA24DE. Later in 1999 is 'n V6-enjin bygevoeg, die VG33E. In Australië is 'n 3.0 L V6 in Junie 2000 ingevoer. In Februarie 2003 is sommige 4x4-modelle met 'n groter 3.3 L V6 toegerus (slegs beskikbaar met 'n 5-ganghandratkas), terwyl 4x2-modelle voortgegaan het met die 3.0 L V6 (met hand- of outomatiese ratkas). Die V6-opsie is laat vaar in 2005, dit het die 2.4 L petrolenjin en 2.5 L turbodiesel as die enigste beskikbare enjins gelaat. Elders was die Hardbody/Frontier ook bekend as die Nissan Navara.

'n Vierdeurweergawe (dubbelkajuit) van die D22 is gedurende 1997-1998 ontwerp en ontwikkel, en in April/Mei 1999 gebou as die 2000 Frontier Crew Cab. By die Chicago Motorskou in Februarie 2000, het Nissan 'n opgekikkerde Frontier vir 2001 bekendgestel met robuuste stilering in 'n poging om dit aantrekliker vir jonger kopers van sy tweede geslag te maak. Die Frontier is heeltemal oorgedoen na die 2004 modeljaar, wat later gelei tot die onbepaalde staking van die enkelkajuitmodel.

Verwysings

Hierdie artikel is in sy geheel of gedeeltelik vanuit die Engelse Wikipedia vertaal.