Datsun Go

in Wikipedia, die vrye ensiklopedie
Jump to navigation Jump to search
Datsun Go
Carlos Ghosn at Datsun Go Launch New Delhi India July 15 2013 Picture by Bertel Schmitt.jpg
Oorsig
Vervaardiger Datsun (Nissan)
Ook genoem Datsun Nusantara Go (en Go+) Panca (slegs Indonesië)
Produksie 2014–
Montering Chennai, Indië [1]
Nissan Motor Indonesia, Purwakarta, Indonesië
Bakwerk en onderstel
Klas Stadsmotor (Go)
Mini MPV (Go+)
Bakstyl 5-deur luikrug (Go)
5-deur MPV (Go+)
Uitleg voorenjin, voorwieldryf
Spesifikasies
Enjin 1.2 L I3 (Petrol)
Ratkas 5-gang handratkas
Lengte 3785 mm (Go)
3995 mm (Go+)
Breedte 1635 mm
Hoogte 1485 mm
Asafstand 2450 mm
Plek in geskiedenis
Variante Nissan Micra

Die Datsun Go is die eerste motor wat weer deur die Japannese motorvervaardiger Nissan vrygestel word onder die Datsunmerk, sedert dit gestaak is in 1986. Dit is vernoem na die "Dat-Go", Datsun se eerste motor van stapel gestuur in die vroeë 20ste eeu,[2] en sal aanvanklik beskikbaar wees in ontwikkelende markte soos Indië, Indonesië en Suid-Afrika. Dit is gebaseer op dieselfde Nissan V platform as die Micra/March.[3]

Die Go is in Indië van stapel gestuur op 19 Maart 2014 met 'n pryskaartjie van ₹ 3,12-3,70 lakh[4] en in Indonesië met 'n verkoopsprys onder Rp 100.000.000, om die Indonesiese LCGC-wetgewing te akkommodeer wat vir beide die Go en die Go+ geld.[5]

Variante[wysig | wysig bron]

Die Datsun Go is in 4 afwerkings beskikbaar: D, D1, A en T.[6] Almal deel dieselfde 1.2 liter-enjin en 5-spoed handratkas, geventileerde voorste skyfremme, agterste dromremme en 13-duim wiele. Toerustingvlakke verbeter deur die reeks, met die T wat eienskappe het soos spoedsensitiewe kragstuur, elektriese voorvensters, sentrale sluiting, mobiele oorlaaistasie en voorsprekers en volwielbedekking.

In Indonesië is die Go Panca beskikbaar in 3 afwerkings: T (Rp 96.000.000), T-opsie (Rp 96.500.000) en T Active (Rp 99.900.000).[7] As die topmodel, kom die T Active met al die toerusting wat die T en T-opsie het, plus: aerostelle, bakwerkgietsels, silwergeverfde groeperings, ens.

Datsun Go+[wysig | wysig bron]

2014 Datsun Go+

Die Datsun Go+ is 'n MPV-weergawe van die Go. In Indonesië is die Go+ Panca beskikbaar in 3 afwerkings: Basiese D (Rp 85.250.000), A (Rp 92.800.000), en top van die lyn T (Rp 100.300.000).[8] Die T is toegerus met elektriese kragstuur, 155/70 R13 staalwiele met bedekkings, sentrale sluiting, sleutellose alarm, immobiliseerder en kragvensters (net voor). Die Go+ gebruik dieselfde platform en enjin as die Go, en die 5 + 2 sitplekuitleg. Die lengte van die Go+ is 3995 mm en sy breedte is 1635 mm. Sy hoogte is 1485 mm en sy asafstand is 2450 mm.

Nissan het die Datsun Go+ MPV in die Indiese motormark vrygestel in 2015. Dit is beskikbaar in vier afwerkingsvlakke, die intreevlak variant van die kompakte MPV geprys teen ₹ 3.79 lakh, terwyl die top-spesifikasiemodel 'n prys van ₹ 4.61 lakh het in 'n vertoonlokaal in Nieu-Delhi. Die Datsun Go+ MPV word slegs as petrolweergawe aangebied. Onder die enjinkap is 'n 1.2 liter-driesilinder petroleenheid. Hierdie enjin is in staat om 'n maksimum kraglewering van 67 bhp teen 5,000 rpm en 'n wringkragpiek van 104 Nm teen 4,000 rpm te lewer. Krag word via 'n vyfgang-handratkas oorgedra na die voorwiele. Die maatskappy beweer dat die enjin 'n indrukwekkende ARAI gesertifiseerde brandstofverbruik van 20.62 km/l gee. [9]

Aan die binnekant het die top van die lyn model kragstuur, saam met sentrale sluiting, wielbedekkings, bakgekleurde buffers, voorste elektriese vensters en 'n HVAC stelsel. Datsun beweer dat sy nuwe sub-kompakte veeldoelvoertuig 'n brandstofverbruik 20.6 km/l het, die beste in die klas, sowel as die laagste totale koste van eienaarskap onder sy mededingers.[10]

Ontwerp[wysig | wysig bron]

Die motor ontleen baie funksies by die Micra, waaruit dit baie van sy binnekant geërf het. Die lengte van die voertuig is 3785 mm en sy breedte is 1635 mm, wat dit in die kleinmotorkategorie plaas. Sy hoogte is 1485 mm en sy asafstand is 2450 mm.

Tegniese eienskappe[wysig | wysig bron]

Die Go word aangedryf deur 'n 1.2-liter (1198 cc) reguit-drie enjin wat ook gebruik word in die Micra Active. Hierdie enjin ontwikkel 51 kW (68 pk; 69 PS) en 104 N·m (77 lbf·vt) se wringkrag.[11] Die Go boet waarskynlik prestasie in ten einde brandstofverbruik te verbeter.

Veiligheid[wysig | wysig bron]

Tydens 'n botsingstoets in Indië het die Go 'n nul-gradering van Global NCAP ontvang, waarna NCAP se voorsitter Max Mosley versoek het dat die motor van die mark onttrek word in 'n brief aan Carlos Ghosn, Renault-Nissan se HUB, aangesien dit heeltemal ineengestort het tydens die botsingstoets.[12]

Verwysings[wysig | wysig bron]

  1. "Datsun 2014 Go - First look: Datsun is Go!". GoAuto. 16 Julie 2013. Besoek op 2 Januarie 2014. 
  2. "New Datsun Car Is All Go". Top Gear Philippines. 2013-07-16. Besoek op 2013-07-18. 
  3. "Nissan revives Datsun brand with Go hatchback". Automotive News. 2013-07-15. Besoek op 2013-07-18. 
  4. Prithvi Radhakrishna. "Go is a Go - Datsun Go priced at Rs 3 lakhs 12 thousand". CarDekho.com. Besoek op 19 Maart 2014. 
  5. "MPV Murah Datsun GO+ Buka Kelas Baru". 17 September 2013. 
  6. CarDekho Team. "Datsun Go". CarDekho.com. Besoek op 25 Maart 2014. 
  7. Datsun Indonesia. "Datsun Go". Datsun Indonesia. Besoek op 12 Desember 2014. 
  8. Datsun Indonesië. "Datsun Go-plus". Datsun Indonesië. Besoek op 12 Desember 2014. 
  9. "Datsun Go+ MPV launched; priced at Rs. 3.79 lakh". Legacy. 15 Junie 2004. Besoek op 16 Januarie 2015. 
  10. CarDekho Team. "Datsun Go+". CarDekho.com. Besoek op 31 Januarie 2015. 
  11. "Datsun is Back! Meet the Datsun Go". Automoblog.net. Besoek op 2013-07-15. 
  12. Confino, Jo (6 November 2014). "Nissan called on to withdraw dangerous car model from Indian market". The Guardian. Besoek op 8 November 2014.