Skoorsteenveër

in Wikipedia, die vrye ensiklopedie
Spring na: navigasie, soek
Skoorsteenveër
Bewaringstatus
Wetenskaplike klassifikasie
Domein: Eukaryota
Koninkryk: Animalia
Filum: Chordata
Klas: Aves
Orde: Ciconiiformes
Familie: Threskiornithidae
Genus: Threskiornis
Spesie: T. aethiopicus
Binomiale naam
Threskiornis aethiopicus
(Latham, 1790)
verspreiding
verspreiding

Die Skoorsteenveër (Threskiornis aethiopicus) is 'n groot voël (lengte 64–82 cm; gewig 1.5 kg), wat wydverspreid in Afrika voorkom. In Engels staan die voël bekend as die African sacred ibis.

Die heilige voël van die Egiptenare, waar dit "die vader van die sekel" genoem is, omdat dit in duisende op landerye na oorstromings deur die Nylrivier voorgekom het en as 'n aanduiding van 'n goeie oesjaar beskou was. Waterinsekte, paddas, visse, sprinkane, ensovoorts is hulle kos. Die naam skoorsteenveër het hy gekry vanweë sy gewoonte om die binnegoed van dooie diere uit te skraap.

Identifikasie[wysig | wysig bron]

Die kop en nek is veerloos en swart van kleur. Die vlerke en rug is wit met 'n swart stert.

Habitat[wysig | wysig bron]

Damme, vleigebied, panne en moerasagtige areas. Hulle sal ook op vuilgoedhope gevind word waar hulle aas na oorskietkos.

Verspreiding[wysig | wysig bron]

Antieke Egiptiese beeld van 'n Skoorsteenveër in die Kopenhagen-Museum

Skoorsteenveërs kom voor in Afrika suid van die Sahara, suid-Irak en (voorheen) in Egipte. Hulle is daarnaas ook eksoties ingevoer in Wes-Europa en Amerika.

Voortplanting[wysig | wysig bron]

Skoorsteenveërs maak nes in boomkolonies, gewoonlik met ander waadvoëls soos reiers. Hulle bou neste van stokke, soms in 'n kremetartboom, en lê 2 tot 3 eiers.

Suid-Afrikaanse voëls[wysig | wysig bron]