Dili

in Wikipedia, die vrye ensiklopedie
Jump to navigation Jump to search
Dili

Díli
Stad
'n Uitsig oor Dili
'n Uitsig oor Dili
Kaart van die stad
Kaart van die stad
Dili is in Oos-Timor
Dili
Dili
Die ligging van Dili in Oos-Timor
Koördinate: 8°34′S 125°34′O / 8.567°S 125.567°O / -8.567; 125.567Koördinate: 8°34′S 125°34′O / 8.567°S 125.567°O / -8.567; 125.567
LandVlag van Oos-Timor Oos-Timor
DistrikFlag of Dili.png Dili-distrik
Stigting1520
Regering
 • BurgemeesterJaime Correia
Oppervlak
 • Totaal48,268 km2 (18,636 vk. myl)
Hoogte
11 m (36 ft)
Bevolking
 • Totaal193 563
 • Digtheid4 000/km2 (10 000/vk. m.)
 • Metrodigtheid234 331/km2 (606 910/vk. m.)
TydsoneUTC+09:00 (OTT)

Dili (Portugees: Díli) is die hoofstad, ekonomiese sentrum, belangrikste hawestad en grootste nedersetting in die eilandnasie van Oos-Timor. Die stad is aan die noordkus van die eiland Timor, die grootste en mees oostelike van die Klein Soenda-eilande, geleë. Die stad het 'n bevolking van 193 563 in 2010 gehad.

Geskiedenis[wysig | wysig bron]

Dili is omstreeks 1520 deur die Portugese gestig. In 1596 word Dili die hoofstad van Portugees Timor. Dili is tydens die Tweede Wêreldoorlog deur Japan beset. Na die Tweede Wêreldoorlog het Oos-Timor hom op 28 November 1975 onafhanklik van Portugal verklaar. Hierdie onafhanklikheid het nie lank geduur nie, want nege dae later, op 7 Desember, het Indonesiese troepe Dili binnegeval. Indonesië het Oos-Timor op 17 Julie 1976 geannekseer. Oos-Timor het die provinsie van Timor Timur geword (algemeen bekend as Timtim) met Dili as hoofstad.

'n Deel van die bevolking van Oos-Timor het tussen 1975 en 1999 aanhou veg vir onafhanklikheid en op 12 November 1991 skiet Indonesiese soldate op betogers en dood meer as 250. Dit het wêreldnuus geword nadat Max Stahl opnames gemaak het. Hierdie opnames is aan 'n Nederlandse joernalis, Saskia Kouwenberg, gegee en is na Australië gesmokkel omdat die rolprentpersoneel op bevel van Indonesiese owerhede volledig deur die Australiese owerhede geïnspekteer is. In 1999 het Oos-Timor onder toesig van die Verenigde Nasies gekom. Uiteindelik, op 20 Mei 2002, word Dili die hoofstad van die onafhanklike staat Oos-Timor.

In 2006 was daar weer onluste as gevolg van meningsverskille in die Oos-Timorese weermag tussen soldate uit die weste en soldate uit die ooste van die land. In Maart is 581 westerse soldate uit die weermag ontslaan, gevolg deur 'n protesoptog op 24 April wat eindig op 'n aanval deur die voormalige soldate op 'n mark van inwoners uit die ooste van die land. Die onluste het 5 dae geduur, op 28 April het die weermag die voormalige westerse soldate aangeval en vuur op die skare geopen. Meer as 100 geboue is deur die weermag vernietig en 21 000 mense het die stad Dili gevlug. Nadat die vrede in die loop van 2006 teruggekeer het, het die VN tot 2012 in die land gebly.

Susterstede[wysig | wysig bron]

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.