Lions (Verenigde Rugbykampioenskap): Verskil tussen weergawes
k r2.7.2) (robot Verander: en:Lion (disambiguation)#Sports |
|||
| Lyn 189: | Lyn 189: | ||
|align=left|'''15de''' |
|align=left|'''15de''' |
||
||16||3||0||13||317||460||−143||5||'''25'''|| |
||16||3||0||13||317||460||−143||5||'''25'''|| |
||
|- align=center |
|||
|align=left|[[2013 Superrugbyseisoen|2013]] |
|||
|align=left colspan=10|Gaan nie deelneem nie. |
|||
||Deur die [[Southern Kings (Superrugbyspan)|Southern Kings]] vervang. |
|||
|- align=center |
|||
|} |
|} |
||
Wysiging soos op 16:04, 9 September 2012
| Lions | ||||
| ||||
| Unie | Suid-Afrikaanse Rugbyunie | |||
| Stigting | 1996 (Super 10 begin) | |||
| Ligging | Johannesburg, Suid-Afrika | |||
| Streek | Johannesburg, Noordwes, Mpumalanga | |||
| Stadion | Coca-Cola Park | |||
| Kapasiteit | 59,611 | |||
| Afrigter(s) | John Mitchell | |||
| Kaptein(s) | Joshua Strauss | |||
| Liga(s) | Superrugby | |||
| 2012 | 15de | |||
       Spankleure
|
Alt. kleure
| |||
| Amptelike webwerf | ||||
| www.lionsrugby.co.za | ||||
| Unie webwerf | ||||
| www.saru.co.za | ||||
Die Lions (tussen 1998 en 2006 bekend as die Cats) is 'n Suid-Afrikaanse rugbyunie wat as 'n konsessie aan die Superrugby-kompetisie deelneem. Hulle het nie veel sukses in heirdie kompetisie behaal nie en het reeds vier keer heel onder aan die punteleër geëindig (in 1998, 2003, 2004 en 2008). Hulle het egter ook al daarin geslaag om twee keer tot die halfeindronde deur te dring (in 2000 en 2001). Die huidige kaptein van die span is Joshua Strauss.
Die Lions speel in rooi en wit klere. Die span het op 'n stadium relegasie van die Super 14 in die gesig gestaar na 'n hofbevel waarin beslis is dat die Southern Spears die Suid-Afrikaanse span wat die swakste vaar in die kompetisie in 2006, sal vervang.[1] Die Spears en die Suid-Afrikaanse Rugbyunie het egter 'n skikking bereik. In die skikking, wat op 16 November 2006 afgekondig is, is bepaal dat die Spears in 'n finansiële verknorsing gesit het en hul saak laat vaar het. Dit het die Lions verseker van 'n plek in die 2007-seisoen.[2]
Geskiedenis
Transvaal/Lions
Toe die Super 12 in 1996 aangekondig is, het Australië en Nieu-Seeland konsessiegebaseerde modelle vir hul spanne in die nuwe toernooi geskep. Suid-Afrika het egter die vorige seisoen se Curriebeker gebruik om te bepaal watter provinsies aan die nuwe internasionale toernooi sal deelneem. Die Transvaalse Rugbyunie het gekwalifiseer om aan die heel eerse toernooi deel te neem en het drie van sy elf wedstryde gewen en sodoende tiende op die punteleër geëindig, bo die Canterbury Crusaders en die Westelike Provinsie.
Transvaal het weer gekwalifiseer vir die 1997-seisoen en het deelgeneem onder 'n nuwe naam: die Gauteng Lions. Die Lions se tweede seisoen was baie meer suksesvol as hul eerste. Die Lions het vyf wedstryde gewen, vyf verloor en een gelykop gespeel wat aan hulle 'n vyfde plek op die punteleër besorg het. Hulle was slegs twee punte agter die Natal Sharks en het net-net 'n plek in die uitspeelrondes gemis.
Cats
Die Curriebeker kwalifikasieproses is vir die 1998-seisoen deur SARU verander na provinsiale konsessies soortgelyk aan dié van Australië en Nieu-Seeland. Die Cats, of Golden Cats, is op die been gebring as een van die nuwe konsessies en is gesentreer om die Goue Leeus en het spelers van die Luiperds, Pumas, Cheetahs, Griffons en Griekwas gekry. Die Cats te tuisvelde was Ellispark in Johannesburg en die Vrystaatstadion in Bloemfontein.
Die Cats het in hul eerste twee jaar nie goed gevaar nie en was in 1998 laaste en in 1999 tweede laaste. Met die aanstelling van die Nieu-Seelandse afrigter, Laurie Mains, vir die 2000-seisoen het egter die span baie beter gevaar. Nadat hulle die Bulls in Pretoria in die eerste week geklop het, het hulle ook die Stormers in Johannesburg in die tweede week geklop. Hierdie twee seges is gevolg deur vier agtereenvolgende verliese, waarvan die laaste een teen die Brumbies die ergste was (64 - 0). Met die Cats se terugkeer het hulle hierdie reeks verliese omgekeer deur die Sharks in Durban met een punt te wen. Na 'n loslootjie in die agtste week het die Cats die res van die seisoen se wedstryde gewen en uiteindelik vierde op die punteleër geëindig, wat aan hulle 'n plek in die uitspeelrondes besorg het.
Die halfeindrondte is in Canberra, die Brumbies se tuisdorp, beslis en die Brumbies het met 28 - 3 gewen. Die 2001-seisoen het op 'n positiewe noot begin toe die Cats die Stormers met 29 - 24 geklop het en in die volgende week ook teen die Chiefs met 56 - 21 gewen het. Hulle het ook net-net teen die Brumbies verloor met 19 - 17. Die Cats het weer deurgedring tot die uitspeelrondes deur derde op die punteleër te eindig. Die Cats het egter weer in die halfeindronde vasgeval en het hierdie keer met 30 - 12 teen die Sharks verloor. Die volgende seisoene was minder goed vir die Cats en hulle het tussen 2002 en 2005 twee laaste plekke (2003 en 2004) en twee tweede laaste plekke (2002 en 2005) ingeneem. Die Super 12 is uitgebrei na 14 spanne vir die 2006-seisoen met die toevoeging van die Western Force van Australië en die Cheetahs van Suid-Afrika. Die Cats het in 2006 dertiende op die punteleër geëindig.
Lions
Op 8 September 2006 het die Goue Leeus Rugbyunie, die maatskappy wat die Goue Leeus en die Cats bestuur, aangekondig dat die span in die toekoms die Lions sal heet. Hulle het ook 'n nuwe logo bekend gestel.[3][4]
In die dertiende week van die 2010-seisoen het die Lions hul twaalfde wedstryd vir die seisoen verloor. Dit beteken dat die Lions die Bulls se rekord van verliese in een seisoen verby gesteek het. Die Bulls het in 2002 geen van hul rondomtaliewedstryde gewen nie.
Op 16 Augustus 2012 is bekendgemaak dat die Lions nie aan die 2013 Superrugbyseisoen gaan deelneem nie. Die span is weens sy teleurstellende seisoen in 2012 weggelaat ten koste van die Southern Kings. Die span het egter die geleentheid om na afloop van die 2013-seisoen in twee promosie/relegasiewedstryde teen die swakste span in die Suid-Afrikaanse groep.[5]
Ligging
Die span se basis is in Johannesburg en was nog altyd gesentreer om die Goue Leeus. Die meeste spelers van die Lions kom sedert 1996 van die Goue Leeus af. Daar is in latere jare ook spelers van die Luiperds (van Potchefstroom in Noordwes) en die Pumas (van Witbank in Mpumalanga) betrek by die Lions. Tot 2005 het die Cats spelers ook van die twee Vrystaatse unies, die Vrystaat Cheetahs (in Bloemfontein) en die Noord-Vrystaat Griffons (in Welkom) asook die Griekwas (van Kimberley in die Noord-Kaap) gekom. Hierdie ooreenkoms is egter beëindig toe die Cheetahs tot stand gekom het in 2006.
Spelers van die Vrystaat, Noord-Vrystaat en Griekwas speel nou vir die Cheetahs en die spanne van Noordwes en Mpumalanga het geskuif van die Bulls na die Lions. Voor 1998 het die Cats (die Goue Leeus om akkuraat te wees) aan die Super 12 deelgeneem as Transvaal.
Stadion
Die tuisgrond van die Lions is Coca-Cola Park, ook bekend as Ellispark, in Johannesburg. 'n Hele paar wedstryde is op Ellispark gespeel tydens die 1995 Wêreldbeker, waaronder die eindstryd tussen die All Blacks van Nieu-Seeland en die Springbokke van Suid-Afrika. Suid-Afrika het die wedstryd om die Webb Ellis-trofee gewen met 15 - 12.
Seisoenbepalings
Super 12
Die volgende tabel som die Lions se Super 12-uitslae op:[6]
Seisoen Pos Gespeel Gewen Gelyk Verloor Punte vir Punte teen +/- BP Pte Notas 1996 10de 11 3 0 8 228 299 -71 4 16 as Transvaal 1997 5de 11 5 1 5 302 346 -44 6 28 as Goue Leeus (Transvaal) 1998 12de 11 2 0 9 266 346 -80 7 15 1999 11de 11 4 0 6 312 341 -29 6 22 2000 4de 11 7 0 4 320 334 -14 4 32 verloor in halfeindronde teen ACT Brumbies 2001 3de 11 7 0 4 285 244 +41 6 34 verloor in halfeindronde teen Sharks 2002 11de 11 1 0 9 217 370 -153 2 6 2003 12de 11 2 0 9 259 398 -139 4 12 2004 12de 11 1 0 10 294 459 -165 7 11 2005 11de 11 1 1 9 226 326 -100 7 13
Super 14
Die volgende tabel som die Lions se Super 14-uitslae op:[6]
Seisoen Pos Gespeel Gewen Gelyk Verloor Punte vir Punte teen +/- BP Pte Notas 2006 13de 13 2 1 10 220 405 -185 5 15 2007 12de 13 5 0 8 175 284 -109 2 22 2008 14de 13 2 1 10 206 367 -161 2 12 2009 12de 13 4 0 9 294 419 -125 9 25 2010 14de 13 0 0 13 270 585 -315 5 5
Superrugby
Die volgende tabel som die Lions se Superrugby-uitslae op:
Seisoen Pos Gespeel Gewen Gelyk Verloor Punte vir Punte teen +/- BP1 Pte Notas 2011 14de 16 3 1 12 351 477 −126 7 25 2012 15de 16 3 0 13 317 460 −143 5 25 2013 Gaan nie deelneem nie. Deur die Southern Kings vervang.
1 Punte toegeken vir ’n loslootjie is nie hierby ingereken nie.
Huidige span
Tensy anders aangedui, word alle spelers deur die IRR as Suid-Afrikaanse burgers geag.
|
Stutte Hakers Slotte |
Losvoorspelers Skrumskakels Losskakels |
Senters Vleuels Heelagters |
Afrigters
- 1997: Ray Mordt
- 1998: Peet Kleynhans
- 1999: Andre Markgraaff
- 2000-2001: Laurie Mains
- 2002: Rudi Joubert
- 2003: Tim Lane
- 2004-2005: Chester Williams
- 2006: Frans Ludeke
- 2007-2009: Eugene Eloff
- 2010: Dick Muir
- 2011-: John Mitchell
Verwysings
- ↑ (en) [1]
- ↑ (en) "Spears abandon their Super conquest". Planet Rugby. 16 November 2006. Besoek op 22 November 2006.
- ↑ (en) "From Cats to Lions ... the new look". Planet Rugby. 8 September 2006. Besoek op 12 September 2006.
- ↑ (en) "Golden Lions Rugby Union announces new Lions International Brand". Golden Lions Rugby Union. 8 September 2006. Besoek op 13 Januarie 2007.
- ↑ (en) Piek, Morgan (16 Augustus 2012). "SARU bevestig Superrugbydeelname vir 2012" (html). Rugby15.co.za. Besoek op 16 Augustus 2012.
- ↑ 6,0 6,1 (en) "Superrugby spanbesonderhede (Lions)". Lassen Creative Technologies Ltd. Besoek op 16 Maart 2010.
Eksterne skakels
 |
Wikimedia Commons bevat media in verband met Lions (Superrugbyspan). |
- (en) CatsRugby.co.za
- (en) lionsrugby.co.za