Fjodor I van Rusland

Fjodor I Tsaar van die hele Rusland

Tsaar Fjodor I van Rusland

Gebore	31 Mei 1557
Oorlede	17 Januarie 1598
Vorstehuis	Rjoerik
Regeer	1584 – 1598
Gekroon	31 Mei 1584
Volle naam	Fjodor Iwanowitsj
Bynaam	Fjodor die Klokluier
Voorganger	Iwan die Verskriklike
Opvolger	Boris Godoenof
Eggenote	Irina (Aleksandra) Fjodorowna Godoenowa
Vader	Iwan die Verskriklike
Moeder	Anastasia Romanowna Zacharina-Joerijewa
{{{Voetnotas}}}

Fjodor I Iwanowitsj (Russies: Фёдор I Иоаннович) (31 Mei 1557 – 17 Januarie 1598) was van 1584 tot 1598 tsaar, die laaste heerser van Rusland se Huis van Rjoerik. Dié seun van Iwan die Verskriklike is ook "Fjodor die Klokluier" genoem vanweë sy gewoonte om deur die land te reis en kerke se klokke te lui.

Fjodor, wat na bewering verstandelike gestrem was, het feitlik glad nie in die politiek belang gestel nie. Hy was vroom en het die meeste van sy tyd in gebed deurgebring. Hy het ’n land geërf wat verwoes was deur die buitensporighede van sy pa, Iwan die Verskriklike, en het die regering van die land oorgelaat aan sy swaer, Boris Godoenof.

Hy trou in 1580 met Irina (Aleksandra) Fjodorowna Godoenowa, Boris se suster. Ná twaalf jaar van getroude lewe skenk Irina in 1592 die lewe aan ’n dogter, Fjodosia. Toe sy in 1594 op tweejarige ouderdom sterf, stort die tsaar geestelik ineen. Omdat hy geen ander kinders het nie, kom die eeue oue Rjoerik-dinastie met sy dood tot ’n einde en betree Rusland die Tyd van Beroeringe. Fjodor sterf in Moskou en word in die Kremlin begrawe.